रामदास डोंबे :
खोर : 'जलयुक्त शिवार अभियान 2.0' जिल्ह्यातील 187 गावात राबविण्यास जिल्हाधिका-यांच्या अध्यक्षतेखालील जिल्हास्तरीय समितीने मंजुरी दिली. मृद् व जलसंधारणाच्या कामात शासकीय यंत्रणेने लोकसहभागाबरोबरच अशासकीय, खासगी संस्थांचाही सहभाग घ्यावा, असे जिल्हाधिकार्यांनी सांगितले आहे.
जलयुक्त शिवार अभियान 2.0 अंतर्गत गाव निवडीसंदर्भात जिल्हाधिकारी डॉ. राजेश देशमुख यांच्या अध्यक्षतेखाली जिल्हाधिकारी कार्यालयात नुकतीच बैठक झाली. निवासी उपजिल्हाधिकारी हिंमत खराडे, उपजिल्हाधिकारी वनश्री लाभशेटवार, जिल्हा जलसंधारण अधिकारी सुजाता हांडे यांच्यासह जलयुक्त शिवार अभियान 2.0 जिल्हास्तरीय समितीतील सदस्य उपस्थित होते. तसेच सर्व उपविभागीय अधिकारी तसेच गटविकास अधिकारी दूरदृश्यप्रणालीद्वारे उपस्थित होते.
शासनाच्या मार्गदर्शन सूचनेप्रमाणे गाव आराखडा तयार करावा. अभियानांतर्गत निवडलेल्या गावांमध्ये शिवारफेरी करून पाणलोटनिहाय गावाचा आराखडा तयार करावा. हे अभियान जिल्ह्यात मोहीम स्तरावर राबवायचे आहे, असेही त्यांनी सांगितले.
निवडलेली 187 गावे तालुकानिहाय
हवेली (17 गावे): जांभळी, खेड, कोलवाडी, रामोशीवाडी, मांजरी खु., मांडवी बु., माणेखडी, मोगरवाडी, मोकरवाडी, शिवापूर, वांजळेवाडी, आर्वी तानाजीनगर, आगळंबे, कल्याण, खामगांव मावळ, घेरासिंहगड, खडेवाडी.
शिरूर (17 गावे): चौधरवाडी (केंदूर), झगडेवाडी, महादेववाडी, माळवाडी- आगरकरवाडी, पर्हाडवाडी, सुक्रेवाडी, मुखई, जातेगाव बु., पाबळ, खैरेनगर, धामारी, कान्हुर मेसाई, मिडगुलवाडी, शिक्रापूर, विठ्ठलवाडी, सविंदणे, थोरातवाडी (मलठण).
खेड (20 गावे): गोलेगाव, कासारी, कोहिंडे खु., परसूल, वाळद, वेव्हावळे, वाघू, येनिये खु., भोसे, वाफगाव, जऊळके बु., चिंचबाईवाडी, वरूडे, गाडकवाडी, कन्हेरसर, पूर, गोसासी, गुळाणी, वाकळवाडी, चौधरवाडी.
मावळ (13 गावे) : बेलज, नाणे, नानोली ना. मा, कुसगाव प. मा., जांभुळ, बेडसे, शिवाली, ओझर्डे, शिळींब, साते, इंगळून, पिंपरी, डाहुली
जुन्नर (12 गावे) : बुचकेवाडी, धोलवड, डिंगोरे, डुंबरवाडी, घंगाळदरे, कुसुर, मालवाडी, नेतवाडी, उंब—ज, शिंदे, शिवली, धालेवाडीतर्फे मिन्हेर.
आंबेगाव (13 गावे) : आपटी, कळंबई, कोंढवळ, गाडेवाडी, तेरुंगण, नानवडे, निमडाळे, मेघोली, मेनुंबरवाडी, वरसावणे, गिरवली, माळीण, काठापूर बुद्रुक.
पुरंदर (14 गावे) : जाधववाडी, काळेवडी, कुंभारवळण, मुंजवडी, पठारवाडी, पवारवाडी, कोडीत ख., राजेवाडी, बांदलवाडी, चिवेवाडी, मिसाळवाडी, नाझरे कडेपठार, ढालेवाडी, सासवड.
वेल्हा (4 गावे) : अंत्रोली, पाबे, कोदवडी, सोंडे सरफल
मुळशी (6 गावे): कातवडी, मुगावडे, निवे, आंबेगाव, सालतर, चाले
भोर (6 गावे): म्हसर खु., भावेखल अंगसुले, कुरंगवाडी, नायगांव, गोरड म्हसवली, तळे म्हसवली
बारामती (39 गावे) : गुनवडी, मळद, कन्हेरी, डोर्लेवाडी, पिंपळी, ढेकळेवाडी, झारगडवाडी, कांबळेश्वर, सांगवी, शिरवली, काटेवाडी, माळेगांव खु., खांडज, निरावागज, मुर्टी, मासाळवाडी, मुढाळे, वढाणे, कुतवळवाडी, आंबी खु., भोंडवेवाडी, काळखैरेवाडी, चांदगुडेवाडी, बाबुर्डी, पानसरेवाडी, देऊळगांवरसाळ, नारोळी, कोळोली, दंडवाडी, सुपे, लोणीभापकर, कार्हाटी, माळवाडी, आंबी बु., पळशी, मोरगाव, तरडोली, अंजनगाव, सोनवडी सुपे.
इंदापूर (11 गावे) : पिटकेश्वर, निमगांव केतकी, गोतंडी, कळस, शिंदेवाडी, काझड, बोरी, शेळगांव, भरणेवाडी, कडबनवाडी, अंथुर्णे
दौंड (15 गावे) : ताम्हणवाडी, खुटबाव, नानगाव, पारगांव, पडवी, भांडगाव, डाळिंब, जिरेगाव, हिंगणीगाडा, वासुंदे, रोटी, कोठडी, मळद, नंदादेवी, बोरीऐदी .