नारायणगाव: पुणे जिल्हा परिषदेचे माजी अध्यक्ष देवराम लांडे यांना गुरुवारी (दि. 11) जुन्नर न्यायालयात हजर केले असता, न्यायमूर्ती नमता बिरादार यांनी त्यांना चार दिवसांची पोलिस कोठडी सुनावली. या गुन्ह्यातील चार आरोपींपैकी देवराम लांडे आणि डीजे वाहन चालक रोकडे यांना अटक करण्यात आली आहे.
देवराम लांडे यांचा मुलगा अमोल लांडे फरार आहे आणि पोलिस त्याचा शोध घेत आहेत. या प्रकरणाशी संबंधित अपघातात आदित्य काळे यांचा मृत्यू झाला, आणि त्यांच्या कुटुंबावर शोककळा पसरली आहे. वाढदिवसाच्या निमित्ताने काढलेल्या मिरवणूक रॅलीमुळे घडलेल्या या अपघाताने जुन्नर तालुक्यात गडबड माजवली आहे. आदिवासी तरुणाच्या डीजे वाहनाच्या धडकेमुळे आदित्य काळे मृत्युमुखी पडले. त्यामुळे काळे कुटुंबावर दुःखाचा डोंगर कोसळला आहे. त्यांच्या एकुलत्या एक मुलाच्या निधनामुळे कुटुंबाची अवस्था अत्यंत बिकट झाली आहे.
गावकऱ्यांनी काळे कुटुंबाला आर्थिक मदत करण्याचे आवाहन केले आहे. या गुन्ह्यात आरोपीला कठोर शिक्षा व्हावी अशी मागणी आदिवासी जनतेने पोलिस ठाण्यासमोर ठिय्या आंदोलन करून केली होती.