पिंपरी : उंदरांमुळे झोपेचे खोबरे…! विश्रांतीगृहात चालक, वाहकांचे होताहेत हाल 

विश्रामगृहाची परिस्थिती

•  उंदीर आणि घुशी वाढल्याने पिशव्या, सोबतची कागदपत्रे आदी साहित्य कुरतडल्याने नुकसान होत आहे.
• रणरणत्या उन्हाळामुळे जीवाची काहीली होत असताना विश्रामगृहातील पंखे बंद आहेत.
• लाईट बंद असल्याने अंधारातच राहावे लागते.
• विश्रांतीगृहातील इलेक्ट्रिक बोर्ड तुटल्याने तिकीट मशीन तसेच मोबाईल चार्ज करता येत नाहीत.
• सुरक्षा रक्षक नसल्याने चोरीच्या घटना घडतात.
• सीसीटीव्ही बंद असल्याने भुरट्या चोरांना ऊत आला आहे.
• स्वच्छतगृहातील बेसीनचे नळ, दरवाजा, पाईपलाईन तुटली आहे.
• छत लिकेज असल्याने सतत पाणी गळत आहे.

प्रवाशांच्या जीवाची आमच्यावर जबाबदारी असते. त्यांना सुखरूप आणि निश्चितस्थळी वेळेवर पोहोचविणे हे आमच कर्तव्य आहे; मात्र थोडी विश्रांती घ्यावी म्हटले तर इथे अस्वच्छता आणि उंदीर, घुशींचा त्रास होतो. त्यामुळे  शांत झोप मिळणे मुुश्किल झाले आहे. त्यामुळे  आमच्या विश्रांतीची व्यवस्थित सोय करणे गरजेचे आहे.

                                                                – यु. आर. देशमुख, चालक.

येथील विश्रांतीगृहाच्या परिस्थितीबद्दल मिटींग घेण्यात आली आहे. नवीन अभियान अंतर्गत नियोजन करून सर्व विश्रांतीगृहांचे नूतनीकरण लवकरच करण्यात येणार आहे.

                                                          – अशोक सोट, अतिरिक्त विभाग नियंत्रक, पुणे विभाग.