पुणे: अवघ्या तीन वर्षात समस्त खवय्या पुणेकर मिसळ प्रेमींमध्ये प्रसिद्ध झालेला पुढारी माध्यमसमूहाचा आगळा वेगळा महा मिसळ सीझन ४ मार्च महिन्याच्या पहिल्या आठवड्यात शनिवार,रविवार दिनांक १ व २ मार्च रोजी नाहटा लॉन्स,सिंहगड रोड येथे आयोजित केला आहे.
फेब्रुवारी किंवा मार्च महिना आला की सर्वांना प्रतीक्षा असते ती याच मिसळ महोत्सवाची.पुण्याची पुणेरी मिसळ,कोल्हापूरची झणझणीत मिसळ,ठाण्याची चविष्ट मिसळ,अहिल्यानगर येथील काळया मसाल्याची मिसळ,नाशिक मधील लज्जतदार मिसळ अशा विविध प्रसिद्ध मिसळचे स्टॉल्स या महोत्सवात असल्याने मिसळ प्रेमींना दोन दिवस झणझणीत, तर्रीबाज,चवदार मिसळचे अनेक वेगवेगळे प्रकार मनमुराद खाण्याची मस्त संधीच असते. यासोबत काही स्टॉल वर जिलेबी, ताक यांचाही स्वाद घेता येतो.
या महोत्सवामध्ये मिसळ व्यावसायिकांसाठी मोजकेच स्टॉल्स शिल्लक असून अजूनही स्टॉल बुकिंग सुरू आहे.तरी मिसळ व्यावसायिकांनी त्वरित आपल्या स्टॉलचे बुकिंग.करावे असे आवाहन दैनिक पुढारीच्या वतीने करण्यात आले आहे.
हे दोन दिवस आपल्या परिवारासोबत येऊन अनेक खवय्ये मनसोक्त मिसळ खाण्याचा आनंद घेतात. याबरोबरच या महोत्सवात सांस्कृतीक,संगीतमय कार्यक्रम सादर होणार असल्याने आपल्या आवडत्या मिसळचा स्वाद घेत आपण या स्वरमधुर कार्यक्रमाचा आनंद लुटू शकता.
या मिसळ महोत्सवात प्रत्येकी फक्त वीस रुपये प्रवेश शुल्क आहे.तरी मिसळ प्रेमी पुणेकरांनी मार्च महिन्यातील पहिला शनिवार,रविवार महा मिसळ महोत्सवास भेट देण्यासाठी आजच राखून ठेवावा असे आवाहन दैनिक पुढारीच्या वतीने करण्यात येत आहे.
या महामिसळ महोत्सवास मुख्य प्रायोजक माणिकचंद ऑक्सिरिच, फायनान्स पार्टनर लोकमान्य मल्टीपर्पज को ऑप क्रेडिट सोसायटी, एज्युकेशन पार्टनर सूर्यदत्ता ग्रुप ऑफ इन्स्टिट्यूटस,स्नॅक्स पार्टनर लक्ष्मीनारायण चिवडा या प्रायोजकांचे खूप मोलाचे सहकार्य लाभले आहे.
महा मिसळ महोत्सवकधी? - शनिवार १ मार्च,२५ व रविवार २ मार्च,२५..
कुठे - नाहटा लॉन्स, वीर बाजी पासलकर चौक,वडगाव पुलाच्या सिग्नलच्या अलीकडे,सिंहगड रोड,पुणे
वेळ - सकाळी ८.३० ते रात्री १० पर्यंत
स्टॉल बुकिंग,अधिक माहितीसाठी संपर्क - ९८२२४४१९५३