पुणे : मुबलक कोटा जाहीर होऊनदेखील गेल्या आठवड्यातही साखरेच्या दरात क्विंटलमागे आणखी पन्नास रुपयांनी वाढ झाली. तुटवड्यामुळे हुलगा आणि गुजरातकडील बारीक चवळीच्या दरात प्रचंड वाढ झाली असून, दर विक्रमी पातळीवर पोहोचले आहेत. मात्र आवक-जावक कमी असल्यामुळे खाद्यतेले, गूळ, अन्नधान्ये या सर्व जिनसांचे दर स्थिर असल्याचे सांगण्यात आले.
देशातील बर्य़ाच भागात पाऊस पडला असला तरी अद्यापही महाराष्ट्राच्या बर्याचशा भागात त्याने हूलच दिली आहे. यामुळे बर्याच भागात दूबार पेरणीचे संकट ओढवले असून यामुळे शेतकरी वर्ग हवालदिल झाला आहे. यामुळे कडाडलेल्या अन्नधान्यांचे दर कमी होण्याची शक्यता मंदावली आहे. तुटवडयामुळे विशेषतः डाळी, कडधान्यांच्या दरात मोठी वाढ झाली असून पावसाने ताण दिल्यामुळे आणखी दरवाढीचे संकट उभे ठाकले आहे. आवक जावक कमी असल्यामुळे सर्व प्रकारच्या डाळींचे दर स्थिर होते.
गुजरातकडील बारीक चवळीचा तुटवडा निर्माण झाला असून दरात मोठी वाढ झाली आहे. काही दिवसापूर्वी 7000 ते 8000 रुपये प्रतिक्विंटल असलेला दर आता चक्क पंधरा हजार रुपये प्रतिक्विंटलवर पोहोचला आहे. हा दर आतापर्यंतचा विक्रमी मानण्यात येत आहे. प्रामुख्याने गुजरातमध्ये उत्पादन होणार्या या चवळीस भरपूर मागणी असते. उत्पादन कमी झाल्यामुळे तुटवडा निर्माण झाला असून नवीन पीक येण्यास भरपूर अवधी आहे. यामुळे दरात मोठी वाढ झाल्याचे सांगण्यात आले. अन्य सर्व प्रकारच्या चवळीचे दर मात्र स्थिर असल्याचे सांगण्यात आले. चवळीप्रमाणेच हुलग्याचा देखील तुटवडा निर्माण झाला असून गेल्या काही दिवसात दरात क्विंटलमागे पंधराशे ते दोन हजार रुपयांची वाढ झाली आहे.
चालू महिन्यासाठी चोवीस लाख टनाचा मुबलक कोटा जाहीर झाला असूनही साखरेची दरवाढ सुरुच आहे. गेल्या आठवडयातही दरात आणखी पन्नास रुपयांनी वाढ झाली. स्थानिक बाजारात मागणी साधारण असली तरी अन्य राज्यांकडील मागणी वाढलल आहे. यामुळे साखरेच्या निविदा उंच दरात जात असून यामुळे दरवाढीस चालना मिळाली आहे. शनिवारी येथील घाऊक बाजारात एस 30 साखरेचा प्रतिक्विंटलचा दर 3800 ते 3850 रुपये होता. आवक जावक साधारण असल्यामुळे गेल्या आठवडयातही गुळाचे दर स्थिर असल्याचे सांगण्यात आले.
आंतरराष्ट्रीय बाजारात अद्यापही सोयाबीन, सुर्यफूल तसेच पाम तेलाचे दर मंदीतच आहेत. स्थानिक बाजारात मध्यंतरी कमी झालेल्या दरात मागणी निघाल्याने दरात काही प्रमाणात सुधारणा झाली होती. मात्र, गेल्या आठवडयात विक्रीचा दबाव वाढल्याने ही तेजी थांबून दरात काही प्रमाणात घट झाल्याचे सांगण्यात आले.
पुण्याच्या घाऊक बाजारातील दर पुढीलप्रमाणे : साखर (प्रतिक्विंटल) 3800 ते 3850 रु. खाद्यतेले (15 किलो/लिटर):- शेंगदाणा तेल 2700-2800, रिफाईंड तेलः 2475-3250, सरकी तेल 1470-1710, सोयाबीन तेल 1470-1660, पामतेल 1410-1620, सूर्यफूल रिफाईंड तेल 1480-1670, वनस्पती तूप 1460-1900, खोबरेल तेल 2250-2250 रु. तांदूळ :- गुजरात उकडा 3200-3500, मसुरी 3000-3500, सोनामसूरी 4000-4500, एच.एम.टी. कोलम 4500-5000, लचकारी कोलम 5500-6000, चिन्नोर 4500-5000, 1121-10000-11000, आंबेमोहोर (सुवासिक) 8000-8500, बासमती अखंड 11500-12000, बासमती दुबार 8500-9000, बासमती तिबार 9500-10000, बासमती मोगरा 4500-5000, बासमती कणी 3200-3500, 1509- 8000-8500, इंद्रायणी 4500-5000 रु.गहू – सौराष्ट्र लोकवन नं. 1 3700-4000, सौराष्ट्र लोकवन नं. 2 3400-3600, एम.पी. लोकवन नं.1 3600-3800, नं.2 3400-3600, सिहोर 4800-5800, सिहोरी 3400-3800, मिलबर 2600-2650 रु. ज्वारी :- गावरान नं. 1- 5500-6000, गावरान नं. 2-5000-5400, नं. 3 4500-4800, दूरी 3800- 4200 रु. बाजरी :- महिको 3200-3800, गावरान 3200-3500, हायब्रीड 3000-3200 रु. गूळ :- गूळ एकस्ट्रा 4250-4400, गूळ नं. 1 4050-4200, गूळ नं. 2 3900-4000, गूळ नं.3 3700-3850 बॉक्स पॅकिंग 4000-5000 रु. डाळी :- तूरडाळ 13000-14000, हरभराडाळ 6000-6200, मूगडाळ 9500-10000, मसूरडाळ 7100- 7200, मटकीडाळ 9800-1000, उडीदडाळ 10200-11200 रु.
कडधान्ये:- हरभरा 5500-5700, हुलगा-9000-9500 चवळी 7000-15000, मसूर 6500-6800, मूग 9000-9500, मटकी गावरान 9000-9200, मटकी पॉलिश 7500-8000, मटकी गुजरात 8000- 8200, मटकी राजस्थान 8000-8200, मटकी सेलम 11500-12000, वाटाणा हिरवा 6000-6200, वाटाणा पांढरा 5000-5200, काबुली चणा 10000-15000 रु. साबुदाणा :- साबुदाणा नं.1 7500, साबुदाणा नं.2 7000, साबुदाणा नं. 3 6800 रु. वरई भगर :- 11000-12000, सावा भगर 10000-11000, गोटा खोबरे 1000-1100 रु. शेंगदाणा :- जाडा 11700-12200, स्पॅनिश – 11500-11800, घुंगरु 10500-11000 रु. धने :- गावरान 8000-8500, इंदूर 9000-12000 रु. मका लाल 2475-2550, पिवळा लाल 2475-2550, पांढरा 3200-3300 रु. पोहे :- मध्य प्रदेश 4100-4600, पेण 3700-4100, मध्यम पोहा-3900-4100, दगडी पोहा 4000- 4800, पातळ पोहा 4800-5400, सुपर पोहा 4600-4900, भाजका पोहा 575-650, मका पोहा 625-675, भाजके डाळे 280-3400, मुरमुरा (9 किलोस) 525-550, भडंग 850-900, घोटी 430, सुरती 450 रु. रवा, मैदा, आटा – (50 किलोचा भाव) आटा 1500-1550, रवा 1550-1550, मैदा 1050-1550, बेसन :- (50 किलोस) 3350-3650 रु. मीठ :- मीठ खडे (50 किलोस) 230, मीठ दळलेले (50 किलोस) 250 रु. मिरची :- काश्मिरी ढब्बी 7000-75000, ब्याडगी 57500-60000, लवंगी तेजा 24000-25000, गुंटूर 25000-27000, खुडवा गंटूर 14000-15000, खुडवा ब्याडगी 17000.
हेही वाच