सासवड: निरा कृषी उत्पन्न बाजार समितीच्या सासवड (ता. पुरंदर) येथील उपबाजारात बुधवारी (दि.12) ज्वारीला प्रतिक्विंटलला सर्वाधिक 3 हजार 700 रुपयांचा दर मिळाला, अशी माहिती बाजार समितीचे सभापती शरद जगताप यांनी दिली.
सासवड येथील उपबाजारात गराडे, दिवे, वाल्हा, राजुरी, वाघापूर, परिंचे यासह संपूर्ण पुरंदर, दौंड, बारामती अशा विविध भागातून ज्वारी, बाजरी, गहू, तांदूळ, हरभरा असे धान्य विक्रीसाठी येते. बुधवारी सासवड उपबाजारात एक नंबर प्रतिच्या ज्वारीला कमाल 3 हजार 700 रुपये, तर दोन नंबर प्रतिच्या ज्वारीला किमान 2 हजार 400 रुपये, तर सरासरी 3 हजार 050 रुपये प्रतिक्विंटल असा दर मिळाला, असे समितीचे सचिव मिलिंद जगताप यांनी सांगितले.
या वेळी सभापती शरद जगताप, उपसभापती महादेव टिळेकर, संचालक संदीप फडतरे, देविदास कामठे, वामन भाऊ कामठे, अशोक निगडे, भाऊसाहेब गुलदगड, पंकज निलाखे, अनिल माने, शहजान शेख, मनीषा नाझीरकर, लिपिक विकास कांबळे, व्यापारी आर. के. ट्रेडर्सचे रुपचंद कांडगे, आर. आर. ट्रेडर्सचे राजेंद्र जळींद्रे आदी उपस्थित होते.
दरम्यान, निरा बाजारात 290 पिशवी- 145 क्विंटल कांदा आवक झाल्याची माहिती बाजार समितीचे सहसचिव नितीन किकले यांनी दिली. निरा बाजारातील गुळाची आवक दर (क्विंटल)निरा बाजारात गुळाला किमान दर 3500 रुपेय, कमाल दर 3900 रुपये तर सरासरी दर 3700 रुपये मिळाला.
गुळाची 452 बॉक्स 90 क्विंटल आवक झाल्याची माहिती गूळ बाजाराचे सहसचिव नितीन किकले, कृष्णात खलाटे, प्रवीण कर्णवर यांनी दिली. या वेळी गूळ व्यापारी शांतिकुमार कोठडिया उपस्थित होते.