मनोर; पुढारी वृत्तसेवा : मनोर लगतच्या टाकवहाल गावातील शेतकर्याच्या म्हशीने पांढर्या शुभ्र रंगाचे रेडकू जन्म दिल्याने आश्चर्य व्यक्त केले जात आहे. काळ्या रंगाच्या म्हैशीच्या पोटी शुभ्र पांढर्या रेडकूचा जन्म झाल्याने कुतूहला पोटी रेडकूला पाहण्यासाठी गर्दी होत आहे. मस्तान नाक्या लगतच्या टाकवहाल गावातील दूध उत्पादक शेतकरी समीर पटेल यांच्या म्हैशीने शनिवारी सकाळी पांढर्या रंगाच्या रेडकूला जन्म दिला आहे. रेडकू ठणठणीत असल्याची माहिती समीर पटेल यांनी दिली.
मुंबई-अहमदाबाद महामार्गालगतच्या टेन ग्रामपंचायत हद्दीतील टाकवहाल गावात ही नवलाई घडली आहे. गावातील शेतकरी समीर पटेल यांच्या मालकीचा म्हशीनं शनिवारी च ? पांढर्या शुभ्र रेडकाला जन्म दिला. म्हैशीचा रंग काळा असल्याने तिने जन्मास घातलेले रेडकूही शक्यतो काळ्या रंगाचेच असते. परंतु समीर पटेल यांच्या म्हशीचे पांढरे शुभ्र रेडकू सर्वांचेच लक्ष वेधून घेत आहे.पांढरे शुभ्र रेडकू परिसरात आकर्षणाचे केंद्र ठरलं आहे. त्याला पाहण्यासाठी पटेल यांच्या गोठयात गर्दी होत आहे. शेतकरी समीर पटेल शेतीपूरक दुग्ध व्यवसाय करतात, म्हशीच्या पोटी पांढरं शुभ्र पिल्लू जन्मास येणं ही दुर्मिळ घटना आहे. पटेल कुटूंबीयासाठी आश्चर्याची बाब असून शुभ्र रेडकाच्या जन्मामुळे पटेल कुटुंब आनंदात असून रेडकाची काळजी घेतली जात आहे.
प्राण्याच्या शरीराचा रंग ठरवणार्या मेलानिनची कमतरता अनुवांशिक गुण-सूत्रांच्या अव्यवस्थेमुळे होते. आणि याच रंगद्रव्याच्या कमतरतेमुळे रेडकुच्या त्वचेचा, डोळे व केसांचा रंग पांढरा शुभ्र बनतो. ह्या अल्बीनिजम म्हटले जात अजून ही घटना दुर्मिळ आहे.
डॉ राहुल मते, पशुधन विकास अधिकारी