नाशिक : (दिंडोरी) पुढारी वृत्तसेवा :
दिंडोरी तालुक्यात कोचरगाव येथे पूराच्या पाण्यात 6 वर्षीय मुलगी वाहून गेल्याची घटना घडली आहे. येथील आळंदी नदी पार करुन शेतातील घरी जात असताना विशाखा बुधा लिलके ही 6 वर्षाची मुलगी व तिचे काका भोलेनाथ केरु लिलके नदीला आलेल्या पुरात वाहून गेले. त्यातून भोलेनाथ हे पोहून बाहेर आले. मात्र विशाखा नदीच्या पात्रात वाहून गेली आहे. गावातील ग्रामस्थ तीचा शोध घेत आहेत.