जळगाव; पुढारी वृत्तसेवा : तालुक्यातील खेडी येथील तरुणाचा वाढदिवस असल्याने रावेर तालुक्यातील पाल ठिकाणच्या काही अंतरावर पोहण्यासाठी उतरले दोन जण बुडाले.
याबाबत वृत्त असे की, अक्षय उर्फ उज्ज्वल राजू पाटील (वय २४, रा. खेडी) या तरुणाचा दि. ५ रोजी वाढदिवस असल्याने त्याचे सर्व मित्र हे रावेर तालुक्यातील पाल येथे गेले होते. दरम्यान, सायंकाळच्या सुमारास हे तरुण पाण्यात पोहण्यासाठी उतरले. यात उज्ज्वल पाटील आणि त्याचा एक मित्र हे पाण्यात बुडाले. यामुळे भेदरलेल्या त्याच्या मित्रांनी तातडीने ही माहिती घरच्यांना दिली. यानंतर पोलिसांनी घटनास्थळी धाव घेतली.
दरम्यान, या तरुणांच्या नातेवाईकांनी देखील घटनास्थळी धाव घेतली. त्यांचा शोध सुरू केला. रात्री उशीरापर्यंत त्या दोघांचा शोध लागला नाही. याबाबत रावेर पोलिसांना विचारले असता घटना घडली असून ती हद्द महाराष्टाची नाही. त्यामुळे याबाबत आपण मध्यप्रदेशच्या बऱ्हाणपूर पोलिसांकडे विचारणा करावी, असे सांगितले.