येवला : पुढारी वृत्तसेवा
उपजिल्हा रुग्णालयासमोर भरधाव डम्परने दुचाकीला जोरदार धडक दिल्याने झालेल्या भीषण अपघातात डम्परच्या चाकाखाली सापडल्याने दोन तरुणांचा जागीच मृत्यू झाला.
मृतांची नावे आसिफ नूर मोहम्मद शेख (३६) आणि सैफ रफिक शेख (१५, दोघे रा. संजयनगर, कोपरगाव) अशी आहेत.
हे दोघे दुचाकी (क्रमांक: एमएच १७, बीडब्ल्यू ५८६४) वरून जाताना त्यांना उपजिल्हा रुग्णालयासमोर (एमएच १२, एलटी ९९८०) या भरधाव डम्परने चिरडले. हा अपघात इतका भीषण होता की, डम्परच्या चाकाखाली आल्यामुळे दोघांचाही जागीच मृत्यू झाला.
येवला पोलिसांनी तत्काळ घटनास्थळी धाव घेत मृतदेह उत्तरीय तपासणीसाठी रुग्णालयात पाठवले. डम्परचालकावर गुन्हा दाखल झाला असून, तपास शहर पोलिस निरीक्षक संदीप मंडलिक यांच्या मार्गदर्शनाखाली सुरू आहे.