पुढारी विशेष : बालिकांवरील अत्याचारांचा मनोविकृत 'डंख'

नाशिक : निल कुलकर्णी

शालेय विद्यार्थीनी,अल्पवयीन बालिकांवरील अत्याचाराची मालिका थांबण्याचे नाव नाही. बदलापूर, काेल्हापूर, अकोला, नााशिकसह राज्यात अनेक ठिकाणी अत्याचार, आगळिक झाली आहे. बालवयात संस्कारांचा अभाव, पोर्नोसाईटचा सहज व स्वस्तात उपलब्ध होणारा डाटा, व्यसनाधीनता, विस्कळीत कुटुंबे, कामभावनाचे न जमलेले व्यवस्थापन, नैतिक मूल्य, संस्कारांचा ऱ्हास यामुळे अशा मनोविकृतीत वाढ होत असल्याचे मत मनोवैज्ञानिक, समाज अभ्यासकांनी नोंदवले. (Lack of morals in childhood, easy and cheap access to pornography, drug addiction, dysfunctional families, mismanagement of desire, loss of moral values, morals are increasing such mental disorders)

या मनोविकृतीला मनोवैज्ञानिक 'सायकोपॅथ' (Psychopath) अशी संज्ञा देतात. व्यक्तींमधील वर्तनदोष हिंसा किंवा पूर्वायुष्यातील शारिरीक आघात, व्यसनाधीनता, स्किझोफ्रेनिया, उन्माद असे मनोआजार या विकृत वर्तनाला कारणीभूत ठरू शकतात, असे मत तज्ज्ञांनी नोंदवले.

• मनोवैज्ञानिक सहायता : हिंसाचाराच्या शिकार झालेल्या महिलांसाठी मनोवैज्ञानिक सहायता आणि पुनर्वसन कार्यक्रम सुरू करणे.

• सामाजिक समर्थन : महिलांना समर्थन देणारे गट आणि संसाधने निर्माण करणे, जेणेकरून त्यांना मदतीचा आधार मिळू शकेल.

• त्यांच्या वर्तनाचा सामना करण्यासाठी मानसिक स्वास्थ्याचे मूल्यांकन, उपचार आणि समाजातील जनजागृती यांचा समावेश असलेली उपाययोजना करणे.