पिंपळनेर,जि.धुळे : कै.आ.मा.पाटील पब्लिक एज्युकेशन सोसायटी संचलित व एस.एन.डी.टी महिला शिक्षणशास्त्र महाविद्यालयाच्या वतीने आयोजित छत्रपती शिवाजी महाराज जयंती निमित्त नवीन शैक्षणिक धोरणावर पोस्टर प्रदर्शन व छत्रपती शिवाजी महाराज यांचे प्रतिमापूजन व त्यांच्या कार्यावर आधारीत माहितीपर कार्यक्रम श्रीमती मनकर्णाबाई विनायकराव मराठे महिला शिक्षणशास्त्र महाविद्यालय, पिंपळनेर यांच्यावतीने साजरा करण्यात आला. महाविद्यालयाचे प्राचार्य डॉ. सतीश पाटील यांच्या हस्ते छत्रपती शिवाजी महाराज यांच्या प्रतिमा पूजन करण्यात आले.
याप्रसंगी प्रा. टी. जे. साळवे, प्रा. एन. एस. खैरनार, प्रा. जी. एस. निकम आदी मान्यवर उपस्थित होते. प्रदर्शनात छञपती शिवाजी महाराजांच्या जीवनकार्यावर प्रकाशझोत टाकण्यात आला. कार्यक्रमास छत्रपती शिवाजी महाराज जयंतीच्या निमित्ताने नवीन शैक्षणिक धोरणावर पोस्टर प्रदर्शन हा वेगळा उपक्रम हाती घेतल्यामुळे सर्वांनी त्यांचे विशेष कौतुक केले. कार्यक्रमात शैक्षणिक धोरणावर, छञपती शिवाजी महाराज यांच्यावर प्राचार्य डॉ. सतीश पाटील, प्रा. टी. जे. साळवे तसेच विद्यार्थी शिक्षिका कल्याणी भामरे, योगिता ठाकरे यांचे छञपती शिवाजी महाराज यांच्या जीवनावर प्रेरणादायी भाषण झाले. ज्यामुळे विद्यार्थ्यांमध्ये आत्मविश्वास आणि उज्ज्वल भविष्यासाठी प्रेरणा निर्माण झाली. यावेळी विद्यार्थ्यांनी निष्ठा, प्रामाणिकतेची एकजुटीने शपथ घेतली.
यावेळी कार्यक्रमाचा शेवट भव्य किल्ला प्रदर्शनाने करण्यात आला. विद्यार्थ्यांनी ऐतिहासिक गड-किल्ल्यांची माहिती सांगून इतिहासाचे स्मरण केले. विद्यार्थी शिक्षकांनी स्वतः नवीन शैक्षणिक धोरणावर तक्ते पोस्टर्स स्वरुपात तयार करून विद्यार्थी शिक्षकांनी प्रदर्शन मांडून त्याचे उद्घाटन केले. पोस्टर्स तयार करण्यासाठी गायत्री दशपुते, चेतना सावंत, दामिनी सोनवणे, योगिता ठाकरे, निकिता गावित, उज्वला शिंदे, योगेश्वरी सुर्यवंशी, सीमा जाधव, कल्याणी भामरे, पूजा नरवाडे , छकुली बागले यांनी परिश्रम घेतले. सीमा जाधव व गायञी दशपुते यांनी सूञसंचलन केले. योगिता ठाकरे यांनी आभार मानले.