Nashik Kumbh Mela 2027 | सिंहस्थ कुंभमेळ्याच्या तयारीत वृक्षतोडीचा वाद

शहराचा सर्वांगीण विकास व्हायला हवा. शेकडो वर्षापूर्वीची झाडे तोडली जात आहेत. मनपाकडे तांत्रिक सल्लागार नाही. झाडांमुळे वाहतूक कोंडी होत नाही. सरकारी सलग सुट्यांचा योग पाहून गंगापूर रोडवरील झाडे तोडण्यात आली, जेणेकरून न्यायालयीन प्रक्रियेला उशीर होईल. मनपाने सर्वांसमक्ष भूमिका मांडावी. महापौर उद्योजकांकडून बोलतात, मात्र जनतेकडे लक्ष देत नाही. कुंभमेळा १२ वर्षांनी येतो, त्यामुळे पूर्वीपासून नियोजन का केले नाही?

पर्यावरणस्नेहींच्या विरोधामुळे थोडी झाडे टिकली आहेत, नगरसेवक शांत आहेत, उद्योगपतींना समोर आणून वाद निर्माण करण्याचा केविलवाणा प्रयत्न मनपा करत आहे. आर्थिक राजकारणामागे मात्र बोलविता धनी कोणी दुसराच आहे. उद्योगपतींनी नाशिककर म्हणून दातृत्व दाखवावे. ब्रिटिशकाळापासून नाशिक हे थंड हवेचे ठिकाण नैसर्गिक संपदेमुळेच गणले जाते. सर्व गोष्टींचा पाया हा वृक्ष आहे, त्यामुळे नुसता कोरडा विकास नको.

झाडांभोवती आळी करा, या न्यायालयीन आदेशाचे पालन करण्यास मनपा असमर्थता दर्शवत आहे. झाडांभोवती वाहतूक बेट केल्याने अपघातांची संख्या कमी होईल, झाडांचे संरक्षण होऊन वायू प्रदूषण कमी होईल. शहराचे सौंदर्याकरण वाढण्यास मदतच होणार आहे. मनपाने न्यायालयीन आदेशाचे पालन न करणाऱ्या अधिकाऱ्यांवर कारवाई करावी.

विकासाला आमचा विरोध नाही, परंतु विकास करत असताना पर्यावरणाचा समतोल राखला गेला पाहिजे. नाशिककरांना लुटणारे जर पर्यावरणप्रेमींना गुन्हेगार म्हणत असतील, तर हे नाशिककरांचे दर्दैव आहे.

पर्यावरण हा विषय फक्त एका शहराचा नाही, तर जगाचा आहे. या संदर्भात कायदे आहेत. विकास व कुंभाला कुणाचाही विरोध नाही. हा कुंभ हरित व्हावा. विकास, रस्ते बांधणी महत्त्वाचे असले, तरी अस्तित्वात असणाऱ्या कायद्यांची अंमलबजावणी करा म्हणणाऱ्यांना नाशिकविरोधी म्हणणे सर्वंकष चुकीचे आहे.