Devlali Municipal Council: ‘स्वतंत्र नगर परिषद’ने होणार देवळालीचा कायापालट

राज्य शासनाने कॅन्टोन्मेंट बोर्डाबाबत घेतलेल्या निर्णयाचे आम्ही स्वागत करतो. शासनाने तातडीने निवडणूक प्रक्रिया राबवावी व लोकप्रतिनिधींची सत्ता पालिकेत स्थापन करावी.

कॅन्टोन्मेंट बोर्डऐवजी नगर परिषद होणार असल्याने नगरसेवकांची संख्या वाढणार आहे. त्यामुळे युवकांना मोठ्या प्रमाणात प्रतिनिधित्व करण्याची संधी मिळणार आहे.

शासनाने नोकरशाहीच्या हातातून चार वर्षांनी लोकप्रतिनिधींच्या हातात सत्ता देण्यासाठी उचललेले पाऊल स्वागतार्ह असून, हा लोकशाहीचा विजय आहे.

नगरपरिषदेच्या माध्यमातून प्रत्येक भागाला प्रतिनिधित्व मिळणार असून त्यातून विकासाला खर्‍या अर्थाने चालना मिळेल.

स्थानिक स्वराज्य संस्थांच्या निवडणुकांमध्ये महिलांसाठी 50 टक्के आरक्षण आहे. नियोजित कॅम्प नगर परिषदेमध्ये 15 ते 16 नगरसेविका असतील.

पूर्वी कॅन्टोन्मेंट बोर्डात आठ नगरसेवक होते, आता ही संख्या 30 च्या दरम्यान राहणार असून, सर्व समाजाला प्रतिनिधित्व मिळेल.

पूर्वी कॅन्टोन्मेंट बोर्डात अल्पसंख्याकांना क्वचितच प्रतिनिधी मिळायचे, परंतु नगर परिषदेमध्ये अल्पसंख्याक समाजाला निश्चितच न्याय मिळेल, असा विश्वास आहे.

देशभरात स्वच्छता आणि आरोग्यासाठी प्रसिद्ध असलेल्या देवळाली कॅम्प शहराच्या विकासासाठी सक्षम आणि योग्य प्रतिनिधींची निवड होणे अत्यंत आवश्यक आहे.

देवळाली कॅन्टोन्मेंट बोर्डाचे महापालिकेत विलीनीकरण न करता स्वतंत्र नगर परिषद स्थापन झाल्यास सर्व समाजघटकांना न्याय मिळून शहर विकासासाठी शासन निधी मिळणार आहे.