मनमाड : पुढारी वृत्तसेवा
मध्य रेल्वेच्या आटगाव रेल्वेस्थानकाजवळ इंटरलॉकिंगच्या कामासाठी मुंबई विभागात मेगाब्लॉक घेण्यात येणार असल्याने शनिवारी (दि. ६) मुंबई-भुसावळ दरम्यान धावणाऱ्या काही प्रमुख गाड्या रद्द, तर काही गाड्यांचे मार्ग वळवण्यात आले आहेत. प्रामुख्याने मनमाड-धुळे इंटरसिटी एक्स्प्रेस आणि मनमाड - मुंबई पंचवटी एक्स्प्रेस जाणारी व येणारी गाडी रद्द करण्यात आली आहे.
नंदिग्राम शिर्डी, देवगिरी मुंबई-बल्लारशाह एक्स्प्रेस, दादर साईनगर मुंबई-लिंगमपल्ली-एक्स्प्रेस, कुर्ला-बलिया कामायनी एक्स्प्रेस, दादर-गोरखपूर समर एक्स्प्रेस आणि पनवेल, गोरखपूर पनवेल एक्स्प्रेस गाड्या कल्याण कर्जत लोणावळा पुणे अहिल्यानगर-कोपरगाव मनमाड मार्गे वळवण्यात आल्या आहेत.
हिंगोली मुंबई जनशताब्दी एक्स्प्रेस मुंबई ऐवजी नाशिकरोडपर्यंत, नांदेड-मुंबई राज्यराणी एक्स्प्रेस ही गाडी मुंबई ऐवजी मनमाडपर्यंत धावणार आहे. त्याच स्थानकातून परतीचा प्रवास करतील.
मुंबई हावडा मेल मुंबईहून १० तास उशिराने सुटेल. हावडा-मुंबई मेल ३.१५ तास, कुर्ला शालिमार ३.२०, कुर्ला बनारस ३.२०, कुर्ला -पाटलीपुत्र २.२५, मुंबई-गोरखपूर हॉलिडे एक्स्प्रेस ५.३०, मुंबई अमृतसर पठाणकोट एक्स्प्रेस २.३० तास मुंबई येथून उशिराने सुटणार असल्याची माहिती रेल्वे प्रशासनाने प्रसिद्धिपत्रकाद्वारे दिली.
मेगाब्लॉकमुळे ७ जूनला मुंबई येथून सुटणारी कुर्ला-गोरखपूर-कुशीनगर एक्स्प्रेस कुर्ला येथून १.५५ तास, मुंबई नागपूर हॉलिडे एक्स्प्रेस २ तास, मुंबई बनारस महानगरी एक्स्प्रेस २ तास विलंबाने सुटणार आहे. रेल्वेचे वेळापत्रक मोठ्या प्रमाणावर विस्कळीत होणार आहे. मेगाब्लॉकमुळे रेल्वे प्रवाशांचे चांगलेच हाल होणार आहे.