Jalgaon Temperature | जळगावकरांना उन्हाच्या चटक्यांपासून दिलासा; दोन दिवसांत तापमान ३ अंशांनी घसरले

Mercury drops in Jalgaon

जळगाव: काही दिवसांपासून जळगाव शहरात सूर्याने आग ओकण्यास सुरुवात केली होती. १४ मे रोजी पारा थेट ४५.६°C वर पोहोचल्याने जळगावकर होरपळून निघाले होते. मात्र, गेल्या ४८ तासांत तापमानात तब्बल ३ अंशांची घसरण झाली आहे. शनिवारी (दि.१६) कमाल तापमान ४२.४°C नोंदवले गेले. यामुळे जळगावकरांना उन्हाच्या तीव्र तडाख्यापासून काही प्रमाणात दिलासा मिळाला आहे.

स्थानिक मुमराबाद वेधशाळेने दिलेल्या अधिकृत माहितीनुसार, गेल्या तीन दिवसांतील तापमान

दिनांक

१४ मे

४५.६°Cकमाल तापमान

२८.८°Cकिमान तापमान

९३%हवेतील आर्द्रता

१५ मे

४५.३°Cकमाल तापमान

२८.९°C. किमान तापमान

८९%हवेतील आर्द्रता

१६ मे

४२.४°Cकमाल तापमान

२६.६°C. किमान तापमान

८९ % हवेतील आर्द्रता

१४ आणि १५ मे रोजी जळगाव जिल्हा उन्हाचे तीव्र चटके चटके जाणवत होते . १४ तारखेला हवेतील आर्द्रता ९३ टक्के एवढी राहिल्याने नागरिकांच्या अंगाची लाहीलाही झाली होती आणि घामाच्या धारांमुळे नागरिक हैराण झाले होते.

शनिवारी (दि. १६) मे रोजी किमान तापमानातही घसरण होऊन ते २६.६°C वर आले आहे. कमाल तापमान ३ अंशांनी घसरून ४२.४°C वर आले. तरीही हवेतील आर्द्रता८९% कायम असल्याने उष्णतेचा तडाखा कमी झाला असला, तरी उकाड्याचा त्रास मात्र कमी झालेला नाही.