जळगाव | रावेर तालुक्यातील कुसुंबा ते लालमाती रस्त्यावरील जल्लारशा बाबाच्या दर्ग्याजवळ गावठी पिस्तूल विक्रीसाठी आलेल्या संशयित आरोपीला पोलिसांनी कारवाई करत अटक केली आहे.
त्याच्याकडून गावठी पिस्तूल आणि दोन मॅगझीन जप्त करण्यात आले आहे. रावेर तालुक्यातील कुसुंबा ते लालमाती रस्त्यावरील जल्लारशाह बाबाच्या दर्ग्याजवळ एक जण गावठी पिस्तूल विक्रीसाठी येत असल्याची गोपनीय माहिती रावेर पोलीस ठाण्याचे पोलीस निरीक्षक डॉ. विशाल जयस्वाल यांना मिळाली. त्यानुसार पथकातील पोलीस उपनिरीक्षक तुषार पाटील, सचिन घुगे, प्रमोद पाटील, विशाल पाटील, महेश मोगरे तसेच जळगाव स्थानिक गुन्हे शाखेचे विष्णू बऱ्हाटे, विनोद पाटील, ईश्वर देशमुख, राहुल महाजन, यांनी कारवाई करत संशयित आरोपी अब्दुल अनिस अब्दुल मज्जिद वय-४६, रा. मुस्लिम कॉलनी, भुसावळ याला अटक केली.
त्याच्याकडून गावठी बनावटीचा पिस्तूल आणि दोन मॅगझीन असा एकूण २२ हजार रुपये किमतीचा मुद्देमाल जप्त केला आहे. याप्रकरणी रावेर पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक तुषार पाटील करीत आहे.