जळगाव : शहरात विविध कारणांमुळे ऑटो रिक्षा चालकांच्या व्यवसायावर गदा येत असल्याने महाराष्ट्र ऑटो रिक्षा नितळ टॅक्सी चालक कल्याणकारी मंडळ आणि संयुक्त कृती समितीच्या वतीने एकदिवसीय धरणे आंदोलन करण्यात आले. परिवहन विभागाच्या विभागीय कार्यालयासमोर आंदोलन करण्यात आले.
संयुक्त कृती समितीने सांगितले की, आनंद दिघे साहेब यांच्या नेतृत्वाखालील कल्याणकारी मंडळात अनेक त्रुटी असून, त्या दूर करण्यात याव्यात. खुले परवाने देणे थांबवावे, तसेच ई-रिक्षांना परवाने सक्तीचे करावेत. अनेक ई-रिक्षा परवाना नसतानाही चालवली जात आहेत, यामुळे कायद्याचे उल्लंघन होत आहे.
याशिवाय, जळगाव शहर आणि लगतच्या गावांमध्ये पीएमई बस सेवा सुरू करण्यात येत असून, त्यामुळे ऑटो रिक्षा चालकांच्या रोजीरोटीस मोठा फटका बसणार आहे. सार्वजनिक वाहतुकीच्या नवीन योजना राबवताना स्थानिक रिक्षा चालकांच्या हिताचा विचार केला पाहिजे, अशी मागणी आंदोलनकर्त्यांनी यावेळी केली. नुकत्याच पार पडलेल्या निवडणुकांमुळे रिक्षा व्यवसायावर प्रभाव पडला असून, व्यवसाय टिकवण्यासाठी सरकारने रिक्षा चालकांसाठी ठोस उपाययोजना कराव्यात, अशी मागणीही यावेळी करण्यात आली.