जळगाव : पुणे जिल्ह्यातील चार आरोपींना जळगाव जिल्ह्यात गावठी कट्ट्यासह जिवंत काडतुस घेऊन जाणाऱ्यांना अटक केली आहे. आरोपीकडून एक बनावट गावठी कट्टा दोन जिवंत काडतुस शहर मोबाईल अशा 49 हजार रुपयांचा मुद्देमाल जप्त करण्यात आला आहे.
चोपडा ग्रामीण पोलिस स्टेशनचे निरीक्षक कावेरी कमलाकर यांना गुप्त माहिती मिळाली की, रविवार (दि.9) रोजी दुपारी चोपडा तालुक्यातील हातेड शिवारातील बुधगाव जाणाऱ्या फाटारोडवर काही जण गावठी कट्टा घेऊन जात असल्याची माहितीनुसार, पोलिस निरीक्षक कावेरी कमलाकर यांनी तात्काळ त्यांच्या पथकाला कारवाईचे आदेश दिले. त्यानुसार पोलिसांनी बुधगाव फाट्यावर सापळा रचला असता काही वेळातच संशयास्पद चार इसमांना पोलिसांनी ताब्यात घेतले.
वैभव शैलेश गायकवाड (२४, रा. केशवनगर, मुंढवा, ता. हवेली, पुणे), सुजल प्रकाश गायकवाड (वय २१, रा. सर्वोदय कॉलनी, मुंढवा, ता. हवेली, पुणे), सौरभ सुनिल जाधव (२१, रा. सर्वोदय कॉलनी, वडगाव शेरी, ता. हवेली, पुणे) आणि स्वयं पिंटू रॉय (२१, रा. सर्वोदय कॉलनी, भोईराज सोसायटी, मुंढवा, ता. हवेली, पुणे अशी नावे आहेत. त्यांची अंगझडतीत बेकायदेशीर आणि विनापरवाना गावठी कट्टा, दोन जिवंत काडतुसे तसेच चार मोबाईल पोलिसांनी ताब्यात घेतले. याप्रकरणी पोलिस नाईक विठ्ठल पाटील यांनी फिर्याद दिली असून चोपडा ग्रामीण पोलिस स्टेशन येथे गुन्हा दाखल करण्यात आला आह अधिकाऱ्यांचे मार्गदर्शन ही कारवाई पोलीस अधीक्षक महेश्वर रेड्डी, अप्पर पोलीस अधीक्षक आणि उपविभागीय पोलीस अधिकारी अण्णासाहेब घोलप यांच्या मार्गदर्शनाखाली करण्यात आली. या कारवाईत पोकॉ रावसाहेब पाटील, चेतन महाजन, विठ्ठल पाटील, विशाल पाटील आणि प्रमोद पारधी यांनी महत्त्वाची भूमिका बजावली