जळगाव : शहरातील काशिबाई उखाजी कोल्हे विद्यालय परिसरातील जुना खेडी रोडवर गावठी पिस्तूल बाळगणाऱ्या अल्पवयीन मुलाला शनीपेठ पोलीसांनी ताब्यात घेतले आहे. याप्रकरणी शनीपेठ पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, शहरातील काशिबाई उखाजी कोल्हे विद्यालयाजवळील जुना खेडी रोड वर अल्पवयीन मुलगा हा हातात गावठी पिस्तून घेवून दहशत माजवित असल्याची माहिती पोलीस उपनिरीक्षक चंद्रकांत धनके यांना मिळाली. मिळालेल्या माहितीनुसार शनीपेठ पोलीस ठाण्याचे पोलीस नाईक किरण वानखेडे, पोहेकॉ विजय खैरे, विक्की इंगळे, योगेश साबळे, मुकुंद गंगावणे यांनी दि. २९ रोजी दुपारी पिस्तूल घेऊन फिरणारा अल्पवयीन मुलागा हा पोलीसांना पाहून पळण्याच्या तयारीत असताना त्याचा पाठलाग करून ताब्यात घेतले. त्याच्याजवळून गावठी बनावटीची पिस्तूल जप्त करण्यात आले आहे. याप्रकरणी शनीपेठ पोलीस ठाण्यात गुन्हा दाखल करण्यात आला आहे.