varun dhawan mumbai metro pull ups video controversy border 2 success
मुंबई : पुढारी ऑनलाईन
सनी देओलचा बॉर्डर-2 सध्या चांगलाच फार्मात आहे. बॉक्स ऑफिसवर तो चांगली कमाई करत असून, अनेक चित्रपटांना कमाईच्या बाबतीत तो मागे टाकेल अशी शक्यता वर्तवली जात आहे. त्यातच या चित्रपटातील कलाकारही चांगलेच उत्सुक आहेत. मात्र या उत्साहाच्या भरात वरूण धवनकडून असं घडलंय की आता ट्रोलर्सनी त्याला निशाण्यावर घेतलंय.
मुंबई मेट्रोच्या आत पुल-अप्स करतानाचा वरुण धवनचा व्हिडिओ सोशल मीडियावर व्हायरल झाला आहे. यानंतर मेट्रो प्रशासनाने सेफ्टी अॅडव्हायझरी जारी केली. संपूर्ण प्रकरण काय आहे आणि अधिकाऱ्यांनी काय म्हटले, ते जाणून घ्या.
मुंबई मेट्रोमध्ये पुल-अप्स पडले महागात
वरुणचा व्हिडिओ सध्या जोरदार व्हायरल होत आहे. ही घटना शनिवारी घडल्याचे सांगितले जाते. ट्रॅफिकजाम करणे टाळण्यासाठी वरुण मेट्रोने प्रवास करत होता आणि अचानक तो एका थिएटरमध्ये पोहोचला. त्याने मेट्रोच्या आतून स्वतःचा एक व्हिडिओ शेअर करत चाहत्यांना विचारले की, तो कोणत्या सिनेमागृहात जात आहे.
थोड्याच वेळात सोशल मीडियावर असे व्हिडिओ समोर आले, ज्यात वरुण मेट्रोच्या आत लोखंडी रॉडला लटकून एक्सरसाइज (पुल-अप्स) करताना दिसत होता. त्याच वेळी आसपास इतर प्रवासीही उपस्थित होते.
यानंतर मुंबई मेट्रो ऑपरेशन कॉर्पोरेशन लिमिटेड (MMMOCL) यांनी आपल्या इन्स्टाग्राम अकाउंटवर तोच व्हिडिओ शेअर करत एक सेफ्टी संदेश जारी केला.
कॅप्शनमध्ये लिहिले होते....
“या व्हिडिओसोबत तुमच्या अॅक्शन चित्रपटांप्रमाणे एक डिस्क्लेमर असायला हवा होता, वरुण धवन. कृपया महामुंबई मेट्रोमध्ये असे करण्याचा प्रयत्न करू नका. मित्रांसोबत मेट्रोने फिरणे छान वाटते, हे आम्हाला माहीत आहे; पण हे हँडल्स लटकण्यासाठी बनवलेले नाहीत.”
पुढे असेही स्पष्ट करण्यात आले की...
“अशा प्रकारच्या कृती मेट्रो रेल्वे (ऑपरेशन आणि मेंटेनन्स) कायदा 2002 अंतर्गत गुन्हा मानल्या जातात. यासाठी दंड होऊ शकतो आणि गंभीर प्रकरणांमध्ये तुरुंगवासही होऊ शकतो. त्यामुळे मेट्रोने प्रवास करा, पण जबाबदारीने करा. लटकू नका.”
वरुण ट्रोल; प्रशासनाला मिळाली प्रशंसा
या पोस्टनंतर अनेक सोशल मीडिया युजर्सनी मेट्रो प्रशासनाचे कौतुक केले. सेलिब्रिटी असला तरी नियम तोडल्यास त्यालाही रोखले गेले, हा योग्य निर्णय असल्याचे त्यांनी म्हटले.
दरम्यान, वरुण धवनचा वॉर ड्रामा चित्रपट ‘बॉर्डर 2’, जो 23 जानेवारीला प्रदर्शित झाला, बॉक्स ऑफिसवर उत्तम कामगिरी करत आहे. या चित्रपटाने आतापर्यंत 140 कोटी रुपयांहून अधिक कमाई केली आहे.
या चित्रपटात वरुणसोबत सनी देओल, दिलजीत दोसांझ आणि अहान शेट्टी दिसतात. तसेच मोना सिंह, सोनम बाजवा, अनन्या सिंह आणि मेधा राणा महत्त्वाच्या भूमिकांमध्ये आहेत. अनुराग सिंह दिग्दर्शित हा चित्रपट, जे. पी. दत्ता यांच्या 1997 मधील सुपरहिट ‘बॉर्डर’चा स्पिरिच्युअल सिक्वेल आहे.