मुंबई : मध्य रेल्वे, मुंबई विभागात विविध अभियांत्रिकी व देखभाल कामांसाठी उपनगरीय विभागांवर रविवारी 7 सप्टेंबरला मेगाब्लॉक घेण्यात येणार आहे. माटुंगा-मुलुंड अप व डाऊन जलद मार्गावर 11.05 वाजल्यापासून दुपारी 3.45 वाजेपर्यंत ब्लॉक घेण्यात येणार आहे.
छत्रपती शिवाजी महाराज टर्मिनस येथून सकाळी 10.36 वाजल्यापासून दुपारी 3.10 वाजेपर्यंत सुटणार्या डाउन जलद गाड्या माटुंगा स्थानकापासून मुलुंडदरम्यान डाऊन धिम्या मार्गावर वळविण्यात येतील व त्यांच्या निर्धारित थांब्यांवर थांबून या गाड्या त्यांच्या गंतव्यस्थानी अंदाजे 15 मिनिटे उशिरा पोहोचतील. ठाण्यानंतरच्या जलद गाड्या मुलुंड स्थानकापासून पुन्हा डाऊन जलद मार्गावर वळविण्यात येतील.
ठाणे स्थानकातून सकाळी 11.03 वाजल्यापासून दुपारी 3.38 वाजेपर्यंत सुटणार्या अप जलद गाड्या मुलुंड स्थानकापासून माटुंगा दरम्यान अप धिम्या मार्गावर वळविण्यात येतील व त्यांच्या निर्धारित थांब्यांवर थांबून या गाड्या माटुंगा स्थानकापासून पुन्हा अप जलद मार्गावर वळविण्यात येऊन गंतव्यस्थानावर अंदाजे 15 मिनिटे उशिरा पोहोचतील.
पनवेल स्थानकातून सकाळी 10.33 वाजल्यापासून दुपारी 3.49 वाजेपर्यंत सुटणार्या छत्रपती शिवाजी महाराज टर्मिनस मुंबईकडे जाणार्या अप हार्बर मार्गावरील गाड्या तसेच छत्रपती शिवाजी महाराज टर्मिनस येथून 9.45 वाजल्यापासून दुपारी 3.12 वाजेपर्यंत सुटणार्या पनवेल, बेलापूरकडे जाणार्या डाऊन हार्बर मार्गावरील गाड्या रद्द करण्यात आल्या आहेत.
पनवेल येथून सकाळी 11.02 वाजल्यापासून दुपारी 3.53 वाजेपर्यंत सुटणार्या व ठाण्याकडे जाणार्या अप ट्रान्स-हार्बर मार्गावरील गाड्या तसेच ठाणे येथून 10.01 वाजल्यापासून दुपारी 3.20 वाजेपर्यंत सुटणार्या पनवेलकडे जाणार्या डाऊन ट्रान्स-हार्बर मार्गावरील गाड्या रद्द राहतील.
ठाणे-वाशी, नेरुळ सुरू राहणार
ब्लॉकच्या कालावधीत छत्रपती शिवाजी महाराज टर्मिनस आणि वाशीदरम्यान विशेष लोकल गाड्या चालविण्यात येतील. ब्लॉकच्या कालावधीत ठाणे-वाशी, नेरुळ स्थानकांदरम्यान ट्रान्स-हार्बर मार्गावर सेवा उपलब्ध असेल.