मुंबई : मुंबई-पुणे द्रुतगती महामार्गावरील मिसिंग लिंकवर सोमवारी दरड कोसळल्यानंतर हा मार्ग दिवसभर बंद होता. सोमवारी रात्री १०.१० वाजता दोन्ही दिशांची वाहतूक सुरू झाली असली तरी पुण्याहून मुंबईला येणाऱ्या वाहिनीवरील दोन मार्गिका अद्याप बंदच आहेत.
सोमवारी पहाटे ४ वाजता पुण्याहून मुंबईला येणाऱ्या मार्गिकेवरच दरड कोसळली आणि मिसिंग लिंकच्या बोगद्याची कमान ढासळून रस्त्यावर पडली. परिणामी, हा महामार्ग पूर्णपणे बंद झाला होता. दरड कोसळलेल्या भागात अद्याप पाणी पडत असल्याने चारपैकी केवळ दोनच मार्गिकांवरून वाहतूक सुरू आहे. वाहतूक सुरू करण्यापूर्वी या रस्त्याचे तांत्रिक व सुरक्षाविषयक परीक्षण करण्यात आले आहे.
मुंबई-पुणे एक्स्प्रेस वेवर एकूण सुमारे १०० टन मातीचा ढिगारा रस्त्यावर आला होता. यापैकी सुमारे ७० टन ढिगारा युद्धपातळीवर बाजूला केला, तर उर्वरित ढिगारा नंतर पुढील दोन तासांत बाजूला करण्यात आला. सध्या वाहतूक सुरळीत ठेवण्यासाठी मुंबईकडून पुण्याकडे जाणाऱ्या वाहिनीवर ३ लेन, तर पुण्याकडून मुंबईकडे जायासाठी टोन लेन सुरु करायात आल्या आहेत.
वाहतूक मंदावली
मिसिंग लिंकच्या पुलावर ताशी ८० किमी आणि बोगद्यात ताशी १०० किमी वेगमर्यादा होती. सध्या पुलावर ताशी ४० किमी आणि बोगद्यात ताशी ६० किमी वेगाची मर्यादा घालण्यात आली आहे. यामुळे महामार्ग सुरू झाला असला तरी वाहतूक मंदावली आहे.