मुंबई: देशभरातील आठ प्रमुख प्रदूषित शहरांमध्ये मुंबई तिसऱ्या स्थानावर आहे. आर्थिक राजधानीपाठोपाठ नवी मुंबईचा क्रमांक लागतो.
हवा गुणवत्ता निर्देशांक (एक्यूआय) संकेतस्थळाच्या माहितीनुसार, राजधानी नवी दिल्लीमध्ये (एक्यूआय 208) सर्वाधिक प्रदूषण आहे. त्यानंतर कोलकाता (204) शहराचा नंबर लागतो. दोन्ही शहरांतील प्रदूषणाची पातळी आरोग्यासाठी अतिघातक हवेच्या कॅटेगरीमध्ये आहे. मुंबईची परिस्थिती त्याहून वेगळी नाही. येथे मंगळवारी सरासरी हवा गुणवत्ता निर्देशांक 187 इतका नोंदला गेला. नवी मुंबईची (168) हवासुद्धा खराब आहे.
मुंबईमध्ये मंगळवारी किमान तापमान 18 अंश सेल्सिअस इतके होते. पारा विशीच्या आत असल्याने थंडी कायम आहे. गारवा कायम असल्याने वाढते प्रदूषण आहे. बुधवारी 19 अंश सेल्सिअस किमान तापमान अपेक्षित असल्याने प्रदूषणाचा टक्का वाढलेला राहील, असे भारतीय हवामान विभागातर्फे (आयएमडी) सांगण्यात आले आहे.
नवी दिल्ली: 265
कोलकाता : 217
मुंबई : 171
नवी मुंबई : 168
1 जानेवारीपासून मुंबईची हवा सातत्याने श्वास घेण्यास लायक नसल्याचे एक्यूआय कॅलेंडर सांगते. या नवीन वर्षात एक्यूआय सतत 150 च्या पुढे राहत आला असून अनेकदा तो 200 किंवा त्यापुढे गेल्याचे दिसते. उदा. 4 जानेवारीला 203 आणि 26 जानेवारीला 202 एक्यूआय होता.
मुंबईतील खराब हवेच्या ठिकणी श्वास घेणे म्हणजे दिवसाला साडेतीन सिगारेटी ओढण्यासारखे आहे, असे एक्यूआयचे संकेतस्थळ सांगते.