भांडुप : मुलुंडमध्ये आज (दि.7) पहाटे चार वाजता एका बीएमडबल्यू कारने रस्त्यावर बॅनर लावणारया दोन गणेश मंडळाच्या कार्यकर्त्यांना जोरदार धडक दिली. या धडकेनंतर वाहनचालक पसार झाला आहे. यात एक कार्यकर्त्यांचा मृत्यू आहे, तर दुसऱ्याची परिस्थिती गंभीर आहे.
मुलुंडचा राजा म्हणून प्रसिद्ध असलेल्या गणेश मंडळाच्या मंडपाजवळ प्रीतम थोरात आणि प्रसाद पाटील हे कार्यकर्ते पहाटे चार वाजताच्या दरम्यान गव्हाणपाडा येथील आकृती टॉवरजवळ रस्त्यावर शिडीच्या मदतीने बॅनर लावत होते. अचानक भरधाव वेगात एक बीएमडब्लू कार कँपस हॉटेलकडून मुलुंड पूर्व ते वेस्टच्या ब्रिजकडे जात असताना या दोघांना शिडीसह जोरदार धडक दिली. धडकेनंतर चालक मुलुंड पश्चिमेकडे भरधाव वेगाने पळून गेला. या अपघातात प्रीतम थोरात याचा मृत्यू झाला असून प्रसाद पाटीलची प्रकृती गंभीर आहे, घटना स्थळी पोलीस दाखल झाले असून कार चा आणि चालकाचा शोध सुरू आहे.