मालाड : कांदिवली पूर्वेतील गोकुळ नगर येथील ‘द शिवाय’ बार आणि रेस्टोरंटचे नाव बदल.अन्यथा मनसे स्टाईलने आंदोलन केले जाईल, असा इशारा मनसेने बार मालकाला दिला आहे.
मनसेचे विभाग सचिव राकेश शंकर धनावडे यांनी द शिवाय बार आणि रेस्टॉरंटचे नाव बदलण्यासाठीचे पत्र मालक पंकज शुक्ला यांना दिले आहे. बारचापरवाना पंकज यांच्या पत्नीच्या नावे आहे. राकेश धनावडे यांनी दि. 4/06/2019 च्या शासन निर्णयाचा हवाला देत देवी, देवता, संत, महात्मा, राष्ट्रीय नेते, गड किल्ले यांच्या नावावरून कुठल्याही दारू विक्री किंवा मांस विक्री करण्यात येणार्या व्यवसायाला परवानगी देता येत नाही.असे असताना आपल्या विभागात आपल्या डोळ्यासमोर आपल्या दैवताचा अपमान झालेला आम्ही सहन करणार नाही.
मागील अनेक दिवसांपासून नागरिकांच्या माध्यमातून याबाबत तक्रार येत होती. हिंदू धार्मियांचे आराध्य दैवत महादेव, श्री शिवशंकर यांच्या नावाचा वापर करून येथे दारू विक्री, मांस विक्री होत आहे. या माध्यमातून हिंदू धार्मियांच्या दैवताचा अपमान होत असल्याची भावना नागरिक बोलून दाखवत आहेत. आम्ही लोकशाही पद्धतीने हा इशारा देत आहोत.जर काही दिवसाय नाव बदलले नाही तर मनसे स्टाईलने आंदोलन करण्यात येईल, असेही राकेश धनावडे यांनी म्हटले आहे.