पुणे : महाराष्ट्र विधान परिषदेच्या पुणे विभाग पदवीधर आणि शिक्षक मतदारसंघांच्या निवडणुकीसाठी शुक्रवारी (दि. २३) पाचही जिल्ह्यांत मतदारांनी चुरशीने मतदान केले. पुणे पदवीधर मतदारसंघात दुपारपर्यंत सरासरी ६३ टक्के, तर शिक्षक मतदारसंघात सरासरी ८३ टक्के मतदान झाले. मतदानाचा टक्का वाढण्याची शक्यता असून अंतिम आकडेवारी निवडणूक आयोगाकडून शनिवारी जाहीर होण्याची शक्यता आहे.
पुणे, सातारा, सांगली, कोल्हापूर आणि सोलापूर जिल्ह्यांतील मतदारांनी मतदानाचा हक्क बजावत निवडणूक प्रक्रियेला प्रतिसाद दिला. पदवीधरचे ४७, तर शिक्षक मतदारसंघातील ३० उमेदवारांचे भवितव्य मतपेटीत बंद झाले असून, आता सर्वांचे लक्ष २७ ऑक्टोबर रोजी होणाऱ्या मतमोजणीकडे लागले आहे.
पदवीधरसाठी पुणे आणि नागपूर येथे दुपारी १२ पर्यंत चांगले मतदान झाले असून शिक्षक मतदार संघात देखील पुणे अमरावती दोन विभागात चुरशीने मतदान होत आहे.
नागपूर पदवीधर मतदारसंघाच्या निवडणुकीसाठी मतदान सुरू असताना वर्ध्याचे खासदार अमर काळे यांनी स्वतः बूथची जबाबदारी सांभाळली. यावेळी त्यांनी पदवीधर मतदारांना मतदानाचा हक्क बजावून लोकशाही बळकट करण्याचे आवाहन केले. महाविकास आघाडीचे उमेदवार अभिजित वंजारी यांच्या मागील आमदारकीच्या कार्यकाळातील कामांचे कौतुक करत त्यांना भरघोस मतांनी विजयी करण्याचे आवाहन काळे यांनी केले.
अमरावती विभाग शिक्षक मतदारसंघ
निवडणूक मतदान टक्केवारी
सकाळी १२ वाजेपर्यंत झालेले मतदान
-----------------------
अमरावती - ३७.४९
अकोला - ३६.०५
यवतमाळ - ३२.९१
बुलढाणा - ३७.६०
वाशिम - ३६.०२
______
विभाग - ३६.२४ टक्के
सेनापती कापशी ता कागल
१२.३० वाजेपर्यंत झालेले मतदान
केंद्र क्रमांक ७०७-२०२
केंद्र क्रमांक ७०८-१८४
केंद्र क्रमांक ७०९-१०९
केंद्र क्रमांक-७१०-२३०
पुणे विभाग पदवीधर निवडणूक सन 2026
शिरढोण (ता-शिरोळ) - केंद्रीय प्राथमिक शाळा
बूथ नं: 597 व 598
आतापर्यंत एकूण मतदान - 157 व 107
वेळ: 12 PM
शिक्षक प्रतिनिधी
सरूड (ता.शाहूवाडी) केंद्र क्र. 244 एकूण मतदान 89
वेळ : 1.15 PM
झालेले मतदान 50
पुरुष 38
स्त्री 12
टक्केवारी : 56.18 टक्के
पुणे विभाग पदवीधर निवडणूक सन 2026
पदवीधर बूथ नं: 599
सीताबाई पटवर्धन हायस्कूल कुरुंदवाड केंद्र
वेळ: 1.00 AM
एकूण मतदार :477
आतापर्यंत एकूण मतदान:210
पदवीधर बूथ नं: 600
सीताबाई पटवर्धन हायस्कूल कुरुंदवाड केंद्र
वेळ: 1.00 AM
एकूण मतदार : 500
आतापर्यंत एकूण मतदान:182
पदवीधर बूथ नं: 601
सीताबाई पटवर्धन हायस्कूल कुरुंदवाड केंद्र
वेळ: 1.00AM
एकूण मतदार :500
आतापर्यंत एकूण मतदान:215
शिक्षक बुथ न.265 उमेदवार मतदान
वेळ:-1.00AM
एकूण मतदान: 183
आतापर्यंत झालेले मतदान 110
मुरगूड पदवीधर मतदान केंद्रावर शिवसेनेचे माजी खासदार संजय मंडलिक आणि पत्नी वैशाली मंडलिक यांनी मतदानाचा अधिकार बजावला. तसेच गोकुळचे नूतन संचालक व युवा नेते विरेंद्र मंडलिक त्यांच्या पत्नी संजना मंडलिक, यशोवर्धन मंडलिक, समरजित मंडलिक यांनी देखील मतदान केलं.
पदवीधर बूथ नं: 599
सीताबाई पटवर्धन हायस्कूल कुरुंदवाड केंद्र
वेळ: 12.00 AM
एकूण मतदार :477
आतापर्यंत एकूण मतदान:158
पदवीधर बूथ नं: 600
सीताबाई पटवर्धन हायस्कूल कुरुंदवाड केंद्र
वेळ: 12.00 AM
एकूण मतदार : 500
आतापर्यंत एकूण मतदान:135
पदवीधर बूथ नं: 601
सीताबाई पटवर्धन हायस्कूल कुरुंदवाड केंद्र
वेळ: 12.00AM
एकूण मतदार :500
आतापर्यंत एकूण मतदान:159
शिक्षक बुथ न.265 उमेदवार मतदान
वेळ:-12.00AM
एकूण मतदान: 183
आतापर्यंत झालेले मतदान 74
नागपूर विभाग पदवीधर मतदारसंघाच्या निवडणुकीसाठी चंद्रपूर जिल्ह्यात शुक्रवारी सकाळी ८ वाजता मतदानाला सुरुवात झाली. मतदानाच्या पहिल्या दोन तासांत, म्हणजेच सकाळी १० वाजेपर्यंत जिल्ह्यात ८.५२ टक्के मतदान झाले. या कालावधीत एकूण २ हजार ७४९ मतदारांनी आपल्या मतदानाचा हक्क बजावला. यामध्ये २ हजार ४३ पुरुष आणि ७०६ महिला मतदारांचा समावेश आहे.
मराठवाडा पदवीधर मतदारसंघ निवडणुकीत सकाळी ८:०० ते १०:०० या पहिल्या दोन तासांत एकूण ६.५२% मतदान झाले आहे. २१ हजार २९३ पदवीधर मतदारांनी मतदानाचा हक्क बजावला असून एकूण ३ लाख २६ हजार ७०० नोंदणीकृत मतदार आहेत.
जालना आणि बीड जिल्ह्यात सर्वाधिक उत्साह दिसून येत असून पहिल्या दोन तासांत जालना (८.१८%) आणि बीड (८.१५%) जिल्ह्यांत सर्वाधिक टक्केवारीची नोंद झाली आहे.
विधान परिषदेच्या अमरावती विभाग शिक्षक मतदारसंघाच्या निवडणूकीच्या मतदानाला आज शुक्रवार दि.२३सकाळपासून सुरूवात झालेली आहे. मतदानासाठी शिक्षक मतदारांचा मोठा उत्साह दिसून येत आहे.बुलढाणा जिल्ह्यात पहिल्या दोन तासात १५.४८ टक्के मतदान नोंदले गेले.अमरावती विभागात निवडणूक रिंगणात राजकीय पक्ष,शिक्षक संघटना व अपक्ष असे एकूण २६उमेदवार आहेत.
पुणे विभाग पदवीधर मतदार संघ निवडणुकीत सोलापूर जिल्ह्यात सकाळी १० वाजेपर्यंत ८.७२ टक्के मतदान झालं असून शिक्षक मतदार संघ निवडणुकीसाठी सोलापुरात १० वाजेपर्यंत ११.४८ टक्के मतदान झालं आहे.
पुणे पदवीधर मतदारसंघासाठी आज मतदान प्रक्रिया पार पडत आहे. दौंड तालुक्यातील राहू येथील मतदान केंद्रावर आमदार राहुल कुल यांनी आपला पदवीधर मतदानाचा हक्क बजावला. यावेळी त्यांनी मतदान केंद्रावर जाऊन मतदानाची प्रक्रिया पूर्ण केली
विधान परिषदेच्या पुणे विभाग पदवीधर आणि शिक्षक मतदारसंघाच्या निवडणुकीसाठी मावळ तालुक्यात मतदानाला सुरुवात झाली आहे. दोन्ही मतदारसंघांत मिळून ३ हजार ४९९ मतदार असून, मतदानासाठी १२ केंद्रांची व्यवस्था करण्यात आली आहे. सकाळी ८ वाजल्यापासून मतदान प्रक्रियेला सुरुवात झाली आहे.
मावळ तालुक्यात पदवीधर मतदारसंघासाठी २ हजार ६७९, तर शिक्षक मतदारसंघासाठी ८२० मतदार आहेत. पदवीधर मतदारसंघासाठी सात, तर शिक्षक मतदारसंघासाठी पाच मतदान केंद्रे निश्चित करण्यात आली आहेत.
पुण्यातील पिंपरी चिंचवडमध्ये उत्साहात मतदान होत आहे. मतदान केंद्रावर मतदारांच्या रांगा असून महायुतीने सूक्ष्म नियोजन केल्याचं दिसत आहे.
मंत्री अतुल सावे हे मतदान करण्यासाठी शिशूविहार शाळा येथील मतदान केंद्रात दाखल.
पुणे पदवीधर मतदार संघातील महायुतीच्या उमेदवार डॉक्टर स्मिता जाधव यांनी आज आपला मतदानाचा हक्क बजावला आहे. त्यांनी मतदारांना देखील मोठ्या प्रमाणात बाहेर पडून मतदान करून आपला हक्क बजावावा असे आवाहन देखील केले आहे.
अमरावती विभाग शिक्षक मतदारसंघाच्या द्विवार्षिक निवडणुकीसाठी मतदानाला सुरुवात झाली असून सकाळी ८ ते दुपारी ४ या वेळेत मतदान प्रक्रिया पार पडणार आहे, या प्रक्रियेसाठी अकोला जिल्ह्यात १३ मतदान केंद्रे निश्चित करण्यात आली आहेत. या केंद्रांवर एकूण ५ हजार ९४२ मतदार मतदानाचा हक्क बजावणार आहेत.
गडचिरोली जिल्ह्यात पदवीधर निवडणुकीसाठी मतदानाला सुरुवात, 26 केंद्रांवर मतदान प्रक्रिया सुरू झाली आहे. जिल्ह्यात 13 हजार 608 पदवीधर मतदारांची नोंदणी, 9 हजार 310 पुरुष तर 4 हजार 298 महिला मतदार आहेत. नक्षलमुक्त गडचिरोलीतील पदवीधर निवडणुकीकडे लक्ष असणार आहे.
महाराष्ट्र विधान परिषदेच्या अमरावती विभागातील शिक्षक मतदार संघाच्या निवडणुकीसाठी आज मतदान पार पडत आहे. अमरावती विभागातील पाच जिल्ह्यात 81 मतदान केंद्राची व्यवस्था करण्यात आली असून पस्तीस हजार 810 मतदार मतदानाचा हक्क बजावणार आहे. सकाळी आठ ते सायंकाळी चार वेळेत मतदान प्रक्रिया पार पडणार आहेत. या निवडणुकीत एकूण 26 उमेदवार असून यवतमाळ जिल्ह्यात 18 केंद्रावर 6932 मतदार मतदानाचा हक्क बजावणार आहे एका मतदान केंद्रावर पाच याप्रमाणे अधिकारी कर्मचारी तैनात करण्यात आले आहे.
MLC Election 2026 Voting Live: विधान परिषदेच्या पदवीधर व शिक्षक मतदारसंघांच्या निवडणुकीसाठी शुक्रवारी (दि. २३) मतदान होत आहे. 5 मतदार संघासाठी एकूण १८२ उमेदवार रिंगणार आहेत. पुणे, छत्रपती संभाजीनगर आणि नागपूर विभागातील पदवीधर मतदारसंघ, तसेच अमरावती आणि पुणे विभागातील शिक्षक मतदारसंघांसाठी ही निवडणूक होत आहे.
पुणे पदवीधर मतदार संघातून महायुतीच्या डॉक्टर स्मिता योगेश जाधव या निवडणुकीच्या रिंगणात आहेत. त्यांनी सकाळी आपल्या मतदानाचा हक्क बजावला अन् सर्व सुशिक्षित मतदारांना आपला मतदानाचा हक्क बजावण्याचे आवाहन देखील केलं.
राज्यातील सर्व मतदान केंद्रावर गुरुवारी सकाळी मतदान कर्मचाऱ्यांसह मतदान साहित्य रवाना झाले. दुपारनंतर कर्मचाऱ्यांनी मतदान केंद्रावर सर्व तयारीस सुरुवात केली. सायंकाळपर्यंत बहुतांश मतदान केंद्रे सज्ज करण्यात आली असून शुक्रवारी सकाळी आठ ते सायंकाळी चार या वेळेत मतदान होणार आहे.