मुंबई : पश्चिम रेल्वेने शनिवारी रात्रकालीन ब्लॉक घेत रविवारी लोकल सेवा सुरळीत ठेवण्याचा निर्णय घेतला आहे. मध्य रेल्वेवर मात्र रविवारी विविध अभियांत्रिकी आणि देखभालीची कामे करण्यासाठी मेगाब्लॉक घेतला आहे. माटुंगा-मुलुंड अप आणि डाऊन धीम्या मार्गावर सकाळी 11.05 ते दुपारी 3.55 वाजेपर्यंत हा ब्लॉक असेल.
छत्रपती शिवाजी महाराज टर्मिनस येथून सकाळी 10.14 ते दुपारी 3.52 वाजेपर्यंत सुटणार्या डाऊन धीम्या मार्गावरील सेवा माटुंगा आणि मुलुंड स्थानकांदरम्यान डाऊन जलद मार्गावर वळवल्या जातील आणि शीव, कुर्ला, घाटकोपर, विक्रोळी, भांडुप आणि मुलुंड स्थानकांवर थांबतील आणि पुढे मुलुंड स्थानकावर डाऊन धीम्या मार्गावर वळवल्या जातील आणि नियोजित वेळेपेक्षा 15 मिनिटे उशिराने पोहोचतील.
ठाणे येथून सकाळी 11.07 ते दुपारी 3.51 वाजेपर्यंत सुटणार्या अप धीम्या मार्गावरील सेवा मुलुंड येथे अप जलद मार्गावर वळवल्या जातील आणि मुलुंड व माटुंगा स्थानकांदरम्यान मुलुंड, भांडुप, विक्रोळी, घाटकोपर, कुर्ला आणि शीव येथे थांबतील आणि नंतर माटुंगा स्थानकावर अप धीम्या मार्गावर वळवल्या जातील आणि नियोजित वेळेपेक्षा 15 मिनिटे उशिराने पोहोचतील.
भाईंदर-बोरिवली स्थानकांदरम्यान अप जलद मार्गावर शनिवारी रात्री 11.30 ते रात्री 3 पर्यंत 3.30 तासांचा ब्लॉक घेण्यात येणार आहे, तर भाईंदर-बोरिवली स्थानकांदरम्यान डाऊन जलद मार्गावर शनिवारी रात्री 1.15 ते पहाटे 4.45 वाजेपर्यंत 3.30 तासांचा ब्लॉक घेण्यात येणार आहे.
ट्रान्स हर्बर मार्गावर ठाणे आणि वाशी/नेरुळ स्थानकांदरम्यान अप आणि डाऊन ट्रान्स-हार्बर मार्गावर सकाळी 11.10 ते दुपारी 4.10 वाजेपर्यंत ब्लॉक असेल. ब्लॉक काळात वाशी/नेरुळ आणि ठाणे स्थानकांदरम्यान अप आणि डाऊन ट्रान्स-हार्बर मार्गावरील सेवा बंद राहतील. ठाणे येथून सकाळी 10.35 ते दुपारी 4.07 वाजेपर्यंत वाशी/नेरुळ/पनवेलसाठी सुटणार्या डाऊन लाईन सेवा आणि पनवेल/नेरुळ/वाशी येथून सकाळी 10.25 ते दुपारी 4.09 वाजेपर्यंत ठाणेसाठी सुटणार्या अप लाईन सेवा रद्द राहतील.