मुंबई: बेस्ट उपक्रमाने येत्या ५ ऑक्टोबरपासून बस प्रवर्तनात काही बदल करण्याचा निर्णय घेतला आहे. यात विविध बसमार्गांचे सुसूत्रीकरण, मार्गविस्तार, अतिरिक्त फेऱ्या व सर्वसाधारण बसमार्गांचे वातानुकूलित बससेवेमध्ये रूपांतर करण्याचा निर्णय घेतला आहे.
या बदलांनुसार ए-२२, ए-३५ आणि ए-३९ या तीन बसमार्गाचे प्रवर्तन यापुढे मजास आगार ऐवजी सीप्झ बस स्थानक येथेच समाप्त होणार आहे.
बस ए-६२ मार्ग वत्सलाबाई देसाई चौक येथून मदन मोहन मालवीय मार्गे वसंतराव नाईक चौक (ताडदेव)पर्यंत करण्यात आला आहे.
बस ए-२०० रफी अहमद किडवाई मार्ग, झकेरिया बंदर मार्ग आणि श्रीकांत केशव हडकर मार्गे श्रावण यशवंते चौक (काळाचौकी)पर्यंत वाढविण्यात येणार आहे. बोरिवली बस ए-२४५, कांदिवली बस ए-२७६ या मार्गावर अतिरिक्त फेऱ्या चालविण्यात येणार आहेत. बेस्ट प्रशासनाने काही बसमार्गांचे वातानुकूलित बससेवेत रूपांतर करण्याचाही निर्णय घेतला आहे.