पूर्णा : लोकप्रतिनिधींचे सहकार्य आणि स्थानिक प्रशासकीय इच्छाशक्तीच्या जोरावर पूर्णा तालुक्यातील पांगरा लासिना गावाने ग्रामविकासाचा नवा आदर्श निर्माण केला आहे. सरपंच उत्तमराव ढोणे यांच्या पुढाकाराने आणि आमदार डॉ. रत्नाकर गुट्टे तसेच आमदार राजू नवघरे यांच्या सहकार्यातून गावात विविध विकासकामांचा धडाका सुरू आहे.
सध्या ग्रामपंचायतीच्या वतीने 'मातोश्री पाणंद मुक्त योजना' आणि 'रोजगार हमी योजने'अंतर्गत शेत शिवारातील रस्त्यांचे मजबुतीकरण अत्यंत दर्जेदार पद्धतीने करण्यात येत आहे. यामध्ये प्रामुख्याने खालील कामांचा समावेश आहे:
तरंगल हनुमान कमान ते रोहीजी ढोणे शेत: २.५ किमी लांबीचा कॅनॉल शेतरस्ता.
सूर्यकांत अण्णा ढोणे घर ते रामा ढोणे शेत: रस्ता मजबुतीकरण.
पांगरा गाव ते सुभान यांचे शेत: शेतरस्ता काम.
कामाचा दर्जा: हे रस्ते तयार करताना सुरुवातीला कठीण ढबर दगड, त्यावर मुरूम आणि त्यानंतर पुन्हा गिट्टी टाकून रोलरने दबई करण्यात आली आहे. एखाद्या मुख्य महामार्गाप्रमाणे हे रस्ते मजबूत झाल्याने पावसाळ्यात होणाऱ्या चिखलातून शेतकऱ्यांची कायमची सुटका झाली आहे.
"गावातील जवळपास २५ कि.मी. लांबीचे शेतरस्ते मंजूर करण्यात आले असून, ते टप्प्याटप्प्याने पूर्ण केले जातील. यामुळे ऊस व इतर शेतीमालाच्या वाहतुकीसाठी शेतकऱ्यांची मोठी सोय होणार आहे." — उत्तमराव ढोणे, सरपंच
पंचक्रोशीत जागृत देवस्थान म्हणून प्रसिद्ध असलेल्या तरंगल हनुमान मंदिराच्या सर्वांगीण विकासासाठी आमदार डॉ. रत्नाकर गुट्टे यांनी पर्यटन विकास महामंडळाच्या माध्यमातून २.५ ते ३ कोटी रुपये उपलब्ध करून देण्याचे आश्वासन दिले आहे. या घोषणेमुळे भाविक आणि ग्रामस्थांमध्ये आनंदाचे वातावरण आहे.
केवळ रस्तेच नव्हे, तर पांगरा लासिना गावात विविध योजनांचा ओघ सुरू आहे:
सुविधा: पाणी फिल्टर, सिमेंट गट्टू रस्ते, नाल्या आणि नवीन घरकुले.
कृषी व पर्यावरण: नदीवर बंधारे, सिंचन विहिरी, गाय गोठे, वृक्षारोपण आणि फळबाग लागवड.
शिक्षण व आरोग्य: जिल्हा परिषद शाळा, अंगणवाडी आणि उप-आरोग्य केंद्रांचे आधुनिकीकरण.
यांचे लाभले योगदान: या विकासकामांसाठी उपसरपंच एकनाथराव ढोणे, ग्रामसेवक संजय पवार, ग्रामरोजगार सेवक निवृत्ती, सदस्य जगदीश, सामाजिक कार्यकर्ते गोविंदराव ढोणे, राजू गिरी, माधव ढोणे, सूर्यकांतराव ढोणे आणि सर्व ग्रामस्थ परिश्रम घेत आहेत.