आष्टी : परतूर तालुक्यातील ढोणवाडी कुंभार पिंपळगाव रस्त्यावर डिझेल संपल्याने एक कार रस्त्यावर उभी होती. यादरम्यान समोरून भरधाव वेगात आलेल्या टॅंकरने जोराची धडक दिल्याने कारमधील एकाचा जागीच मृत्यू झाला.
हा अपघात मंगळवार (दि.७) ढोणवाडी फाट्याजवळ झाला असून याप्रकरणी मृताच्या भावाने दिलेल्या फिर्यादीवरुन गुरुवार (दि.९) आष्टी पोलिस ठाण्यात अज्ञात टॅकर चालकावर गुन्हा दाखल करण्यात आला. याप्रकरणी अधिक तपास सहाय्यक पोलीस निरीक्षक सचिन ईंगेवाड यांच्या मार्गदर्शनाखाली खाली पोलीस उपनिरीक्षक अजित चाटे हे करीत आहेत.