परतूर : परतूर येथील नगर पालिकेच्या स्वच्छ्ता विभागाच्या कार्यालयाची अज्ञाताकडून तोडफोड करण्यात आली. तसेच कार्यालयाबाहेर उभ्या केलेल्या घंटा गाड्यांच्या काचा फोडून मोठे नुकसानव करण्यात आले. याप्रकरणी बुधवारी (दि.३०) परतूर पोलिस ठाण्यात अज्ञात हल्लेखोरांविरुद्धात गुन्हा दाखल करण्यात आला आहे.
या कार्यालयाजवळील घंटा गाड्यांच्या तोडफोडची माहिती मिळताच स्वच्छता विभाग प्रमूख रवि देशपांडे कार्यालयात दाखल झाले. यावेळी कार्यालयाची पाहणी केली असता त्यांना कार्यालयाचा दरवाज्यासह कार्यालयातील साहित्यांची तोडफोड झाल्याचे निदर्शनास आले. यामध्ये एकूण नव्वद हजाराचे नुकसान झाले आहे. याप्रकरणी रवि देशपांडे यांनी दिलेल्या फिर्यादीवरून परतूर पोलिसांत अज्ञात हल्लेखोरांविरुद्धात गुन्हा दाखल करण्यात आला. याबाबत अधिक तपास पोहेकॉ अशोक गाढवे हे करत आहेत.