Samruddhi Mahamarg Multi Vehicle Collision
जालना : समृद्धी महामार्गावर बुलढाणा ते मेहकरदरम्यान भरधाव वेगाने जाणाऱ्या कंटेनरने तब्बल १५ ते २० वाहनांना जोरदार धडक दिल्याने भीषण अपघात घडला. या दुर्घटनेत अनेक प्रवासी जखमी झाल्याची प्राथमिक माहिती समोर आली आहे. अपघातामुळे महामार्गावर एकच खळबळ उडाली असून प्रवाशांमध्ये भीतीचे वातावरण निर्माण झाले.
दरम्यान, याच मार्गावरून प्रवास करत असलेले माजी मंत्री राजेश टोपे यांनी अपघाताचे गांभीर्य लक्षात घेत क्षणाचाही विलंब न करता मदतीसाठी धाव घेतली. अपघातग्रस्त वाहनांमध्ये अडकलेल्या प्रवाशांना सुरक्षित बाहेर काढण्यासाठी त्यांनी स्वतः पुढाकार घेत सहकार्य केले. तसेच जखमी प्रवाशांना तातडीने उपचार मिळावेत यासाठी त्यांना रुग्णालयात पोहोचविण्यासाठी आवश्यक मदत केली.