Accident News: Fatal Nap Container Overturns, Driver Dies
वडीगोद्री, पुढारी वृत्तसेवा :
डुलकी लागल्यामुळे कंटेनर पलटी होऊन झालेल्या अपघातात कंटेनर चालकाचा जागीच मृत्यू झाला. ही घटना वडीगोद्री जालना मार्गावर धाकलगाव जवळ बुधवार, दि. १३ रोजी सकाळी ७ वाजेच्या सुमारास घडली. मोहम्मद कैफ अली शेर रा. भरतपूर राजस्थान ३२ असे मयत झालेल्या चालकाचे नाव आहे.
दरम्यान, जालन्याहून बीड कडे कंटेनर क्रमांक एचआर ५५, एयू ५१७२ जात असताना वडीगोद्री जालना मार्गावरील धाकलगाव जवळ कंटेनर चालकाला अचानक डुकली लागली. यात त्याचे वाहनावरील नियंत्रण सुटले. कंटेनर रस्त्याच्या कडेला जाऊन पलटी झाले.
या अपघातात कंटेनर चालकाचा जागीच मृत्यू झाला. घटनेची माहिती मिळताच गोंदी पोलीस ठाण्याचे पोलीस उप निरीक्षक किरण हावले व पोलिस कर्मचारी शेख यांनी घटनास्थळी पोहचले. त्यांनी मयताचे शव शवविच्छेदनासाठी वडीगोद्री येथील प्राथमिक आरोग्य केंद्रात हलविण्यात आले.