हिंगोली : भाजपचे हिंगोली विधानसभा मतदारसंघाचे आमदार तानाजी मुटकुळे यांना प्रकृती अस्वस्थ्यामुळे मुंबईतील रुग्णालयात हलवण्यात आलं आहे. श्वास घेण्यास त्रास होत असल्याने आमदार मुटकुळे यांना नांदेड विमानतळावरून एअर ॲम्ब्युलन्सने मुंबईत नेण्यात आले. काही दिवसांपूर्वीच आमदार तानाजी मुटकुळे यांच्यावर अँजियोप्लास्टी करण्यात आली होती. मात्र गुरुवारी त्यांना श्वास घेण्यास त्रास होत असल्यामुळे डॉक्टरांनी मुंबईतील रुग्णालयात हलवण्याचा सल्ला दिला. त्यानुसार आमदार मुटकुळे यांना नांदेड विमानतळावरून एअर ॲम्ब्युलन्सने मुंबईत नेण्यात आले.