वाशी : तालुक्यातील तांदूळवाडी शिवारात आज्ञात चोरटे पवनचक्कीच्या ताराची चोरी करत आसल्याची माहिती वाशी पोलिसांना मिळताच वाशी पोलिसांनी तत्पर कारवाई करत मुद्देमालासह वाहन जप्त केले आहे.
मिळालेल्या माहितीनुसार सोमवार, 6 रोजी रात्री वाशी पोलिस ठाण्यात पोलिसांना दूरध्वनीद्वारे माहिती प्राप्त झाली की, वाशी तालुक्यातील तांदूळवाडी शिवारात काही अनोळखी इसम सुमारे 8 ते 10 जण पवनचक्कीच्या तारा चोरी करत आहेत. सदर माहिती मिळताच पोलिस निरीक्षक - शंकर शिंदे, पोहेका - कपिल बोरकर, पोहेका - बि . व्ही . यादव, पोका - औसारे, पोका - सय्यद, पोका -मलंगनेर , पोका - आघाव,पोका -शेळके व चालक सपोफौ - व्हंडे यांनी तात्काळ घटनास्थळी धाव घेतली.
घटनास्थळी पोहोचून पाहणी केली असता, एमएच 44 यू 0246 क्रमांकाचा अशोक लेलँड कंपनीचा “छोटा हत्ती” प्रकारातील वाहन आढळून आले. सदर वाहनामध्ये पवनचक्कीच्या तारा असल्याचे निदर्शनास आले. पोलिसांनी दोन्ही पंचांच्या समक्ष सदर वाहन व त्यामधील तारा जप्त करून ताब्यात घेतले.
पोलीसाचे चाहूल लागताच आज्ञात चोरटे पसार झाले आहेत .या प्रकरणी पुढील तपास मा.पोलिस अधीक्षक श्रीमती रितू खोकर , अप्पर पोलिस अधीक्षक -श्रीमती शफकत आमना व उपविभागीय पोलिस अधिकारी -अनिल चोरमले यांचे मार्गदर्शनाखाली वाशी पोलिस ठाण्याकडून फरार आरोपींचा शोध घेण्याचे काम सुरू आहे.