पाणीपुरवठा मोटारीत साप आढळला

Snake found in water supply pump.

सोयगाव, पुढारी वृत्तसेवा : सोयगाव येथील पाणीपुरवठा योजनेच्या मोटारीत बिघाड झाल्याने नगर पंचायत कर्मचारी दुरुस्तीसाठी धरण परिसरात गेले असता अनपेक्षित घटना घडली. मोटार बाहेर काढल्यानंतर त्यामध्ये साप आढळून आला. मात्र, कर्मचाऱ्यांनी प्रसंगावधान राखत कोणतीही घाईगडबड न करता सापाला सुरक्षितपणे बाहेर काढले आणि त्याला जिवंत अवस्थेत पाण्यात सोडून दिले.

दरम्यान, बुधवारी दिवसभर वीजपुरवठ्यात अडचण असल्याने पाणीपुरवठा सुरळीत होऊ शकला नव्हता. गुरुवारी मोटार सुरू करण्यासाठी कर्मचारी गेले असता ही घटना घडली. अशा परिस्थितीतही कर्मचारी जीव धोक्यात घालून आपली जबाबदारी पार पाडत असल्याचे दिसून आले. यावेळी नगरपंचायत पाणीपुरवठा कर्मचारी सुरेश महाले व बाकी कर्मचारी हजर होते.