छत्रपती संभाजीनगर, पुढारी वृत्तसेवा : महापालिका निवडणुकीसाठी सर्वच राजकीय पक्ष आमच्याकडे इच्छुकांची मोठी गर्दी असल्याचा दावा करीत आहेत. प्रत्यक्षात भाजप, शिवसेना वगळता इतर पक्षांची परिस्थिती अतिशय वेगळी आहे. भाजपकडे उमेदवारीसाठी दोन दिवसांत तब्बल ११२० इच्छुकांनी अर्ज दाखल केले असून शिवसेना शिंदे गट आजपासून तर ठाकरेसेना आठवडभरानंतर इच्छुकांसाठी अर्जाची प्रक्रिया सुरू करणार आहे. मात्र, कॉंग्रेस आणि दोन्ही राष्ट्रवादी काँग्रेस आतापासूनच चिंतेत आहे. प्रक्रिया सुरू करून १५ दिवस उलटूनही त्यांच्या इच्छुकांचा आकडा ३०० वर सरकण्यास तयार नसल्याने अजूनही प्रतीक्षेतच आहेत..
महापालिकेच्या सार्वत्रिक निवडणुका तब्बल १० वर्षांनंतर होत आहेत. त्यामुळे सर्वच राजकीय पक्षांतील इच्छुक माजी नगरसेवकांनी कंबर कसली आहे. प्रत्येक राजकीय पक्ष आमच्याकडे सर्वाधिक इच्छुक असल्याचा असा दावा करीत आहेत. परंतु, इच्छुकांकडून उमेदवारी अर्ज दाखल करून घेण्याची प्रक्रिया सुरू झाल्यानंतर आता वेगळेच चित्र दिसत आहे. शहरात दोन आठवड्यांपासून दोन्ही राष्ट्रवादी काँग्रेसकडून इच्छुकांसाठी उमेदवारी अर्ज विरतण आणि स्विकृतीची प्रक्रिया राबविण्यात येत आहे. परंतु, १५ दिवस उलटूनही २९ प्रभागातील ११५ वॉर्डासाठी इच्छुकांचा आकडा ३०० वर गेलेला नाही. हीच स्थिती काँग्रेसची असून मागील आठवडाभरात त्यांना २८५ अर्जच प्राप्त झाले आहेत.
परंतु, भाजपकडे इच्छुकांची भाऊगर्दी झाली आहे. दोन दिवसांत त्यांच्याकडे २९ पैकी २४ प्रभागांसाठी तब्बल ११२० उमेदवारांनी अर्ज दाखल केले आहेत. शिवसेना शिंदे सेनेकडेही इच्छुकांचा अधिक कल दिसत आहे. तर ठाकरे सेना अजूनही प्रक्रिया सुरू करण्यासाठी प्रतीक्षाच करीत आहे. एमआयएमसह वंचित बहुजप आघाडीनेही अर्ज स्विकृती सुरू केली आहे.
आता इच्छुकांच्या मुलाखती " भाजपच्या उमेदवारीवर निवडून येऊ, याबाबत प्रत्येकालाच खात्री आहे. त्यामुळेच भाजप इच्छुकांची संख्या ११२० वर गेली आहे. आता या इच्छुकांच्या प्रभागनिहाय याद्या तयार करून त्यांची छाननी केली जात आहे. लवकरच त्यांच्या मुलाखती घेण्यात येणार आहे.किशोर शितोळे, शहर जिल्हाध्यक्ष, भाजप
इच्छुकांसाठी आजपासून प्रक्रिया शिवसेना शिंदे गटाकडे इच्छुकांची भाऊगर्दी असून आजपासून या इच्छुकांना अर्ज विरतण केले जाईल. दोन दिवस अर्ज विरतण आणि स्विकृतीची प्रक्रिया होईल. सोमवारी मुलाखती होतील व त्यानंतर यादी तयार केली जाईल. निवडणूक महायुतीत लढली जाणार असली तरी सर्वच प्रभागांसाठी इच्छुकांच्या मुलाखती घेतल्या जाणार आहेत.- राजेंद्र जंजाळ, जिल्हाप्रमुख, शिवसेना शिंदे गट
काँग्रेसकडे २८५ इच्छूक ८८ मनपा निवडणूकीसाठी आम्ही इच्छुकांना अर्ज विक्री-स्विकृती सुरू केली आहे. चार दिवसांपासून ही प्रक्रिया सुरू असून आतापर्यंत २९ प्रभागातील ११५ वॉडर्वांसाठी २८५ अर्ज प्राप्त झाले आहेत. अर्जासाठी पुरुषांना ५ हजार तर महिलांना २५०० शुल्क आहे. दिल्लीतील कार्यक्रमानंतर मुलाखती घेऊन यादी संसदीय समितीला सादर केली जाईल.- शेख युसूफ, शहराध्यक्ष काँग्रेस
सर्व प्रभागांमध्ये चाचपणी शिवसेना ठाकरे गटाकडे इच्छुकांची गर्दी आहे. सर्व प्रभागांमध्ये चाचपणी झाली असून पुढील आठवड्यापासून इच्छुकांसाठी अर्ज वितरण आणि स्विकृती सुरू केली जाणार आहे. शिवसेना भवनमध्येच ही प्रक्रिया होणार आहे.- राजू वैद्य, महानगरप्रमुख, शिवसेना ठाकरे गट
महाविकास आघाडीच्या प्रतीक्षेत " मनपा निवडणूकीसाठी मागील दोन आठवड्यात २५० इच्छुकांनी अर्ज नेले आहेत. त्यातील ७५ इच्छुकांनी अर्ज दाखल केले आहे. आम्ही महाविकास आघाडीच्या प्रतीक्षेत असून १५ प्रभागातच निवडणूक लढण्याच्या तयारीत आहोत.- ख्वाजा शरफुद्दीन, शहराध्यक्ष राकाँ (शरद पवार गट)
एमआयएमकडे २ दिवसांत ९० इच्छुक " एमआयएमने बुधवारी (दि. १०) इच्छुकांना उमेदवारी वितरणाची प्रक्रिया सुरू केली आहे. दोन दिवसात १२ प्रभागातील ४८ वॉर्डासाठी ९० इच्छुकांनी अर्ज नेले आहेत. १७ डिसेंबरपर्यंत अर्ज दाखल करायचे आहे. त्यानंतर छाणणी व मुलाखती होतील.- शारेख नक्षबंदी, शहराध्यक्ष, एमआयएम
राकाँकडे (अ.प.गट) २४० अर्ज " मनपासाठी १५ दिवसांपासून इच्छुकांना अर्ज वितरण व दाखल करण्याची प्रक्रिया सुरू आहे. आतापर्यंत २४० अर्ज प्राप्त झाले असून आणखी दोन दिवस प्रक्रिया सुरू राहिल. त्यानंतर सर्वेक्षण करुन इच्छुकांतून उमेदवाराची निवड करण्यात येईल.अभिजित देशमुख, शहराध्यक्ष, राकाँ (अजित पवार गट