Bogus Voter Registration : बोगस मतदार नोंदणीची चौकशी करा file photo
छत्रपती संभाजीनगर

Bogus Voter Registration : बोगस मतदार नोंदणीची चौकशी करा

शिरुर प्रकरण : रा.कॉ. चे विभागीय आयुक्तांना निवेदन

पुढारी वृत्तसेवा

Investigate bogus voter registration

छत्रपती संभाजीनगर, पुढारी वृत्तसेवा शिरूर शहरातील मतदार यादीत बोगस नावांचा समावेश करण्यात आले आहे. याबाबत तातडीने चौकशी करुन दोषींवर कारवाई करण्यात यावी, अशी मागणी सोमवारी (दि. १६) राष्ट्रवादी युवक काँग्रेसचे प्रदेशाध्यक्ष शेख मेहबूब यांनी निवेदनाद्वारे विभागीय आयुक्त जी. श्रीकांत यांच्याकडे केली आहे.

जिल्ह्यात राबविण्यात आलेल्या विशेष संक्षिप्त पुनरीक्षण (एसआयआर) प्रक्रियेनंतर शिरूर शहरातील मतदार यादीत नव्याने समाविष्ट करण्यात आलेल्या सर्व मतदारांच्या कागदपत्रांची तपासणी करण्यात यावी. संबंधित व्यक्ती शिरूर शहराच्या मूळ रहिवासी नसतानाही त्यांची नावे मतदार यादीत बेकायदेशीररीत्या समाविष्ट करण्यात आली आहेत.

या प्रक्रियेसाठी बोगस प्रॉपर्टी टॅक्स रेकॉर्ड (पीटीआर), बनावट रेशन कार्ड, आधार कार्ड आणि इतर खोटे दस्तऐवज तयार करून त्यांचा वापर करण्यात आला आहे. अशा प्रकारे बनावट कागदपत्रांच्या आधारे मतदार नोंदणी करणाऱ्यांसह या गैरप्रकारात सहभागी असलेल्या सर्व संबंधित दोषींवर तातडीने कठोर फौजदारी गुन्हे दाखल करण्यात यावेत, अशी मागणी निवेदनाद्वारे केली आहे.

आयुक्तांकडून चौकशीचे आश्वासन या तक्रारीचे गांभीर्य लक्षात घेऊन विभागीय आयुक्त जी. श्रीकांत यांनी प्रकरणाची तातडीने दखल घेतली असून, या संपूर्ण प्रकरणाची सखोल चौकशी करून दोषींवर योग्य ती कायदेशीर कार्यवाही करण्याचे आश्वासन दिले आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

SCROLL FOR NEXT