केज : गौतम बचुटे
संतोष देशमुख हत्याकांडातील प्रमुख संशयित आरोपी सुदर्शन घुले याची आज दि. १४ फेब्रुवारी रोजी पोलीस कोठडी संपली. त्यामुळे त्याला सीआयडीने केज न्यायालयात हजर केले. तत्पूर्वीच त्याची वैद्यकिय तपासणी करण्यासाठी उपजिल्हा रुग्णालयात घेवून जाण्यात आले. दरम्यान न्यायालयाने सुदर्शन घुले याला न्यायालयीन कोठडी सुनावली आहे.
बीड जिल्ह्यातील मस्साजोग ता. केजचे सरपंच संतोष देशमुख यांचे अपहरण करून निर्घृण हत्या प्रकरणी न्यायालयीन कोठडीत असलेला संशयित आरोपी सुदर्शन घुले याला दि. ११ फेब्रुवारी रोजी सीआयडीचे उपअधीक्षक अनिल गुजर यांनी त्याला १२ फेब्रुवारी रोजी केज न्यायालयाच्या प्रथम वर्ग न्यायाधीश एस व्ही पावसकर यांच्या न्यायालयात हजर केले होते. प्रथम वर्ग न्यायाधीश एस व्ही पावसकर यांनी सुदर्शन घुले याला दि. १४ फेब्रुवारी पर्यंत पोलीस कोठडी सुनावली होती.
त्याची आज दि. १४ फेब्रुवारी रोजी पोलीस कोठडी संपत असल्याने आज त्याला केज पोलीस ठाण्यातून १०:३० वाजण्या पूर्वी म्हणजे न्यायालयीन कामकाज सुरू होण्यापूर्वीच न्यायालयात नेण्यात आले. तत्पूर्वी त्याची उपजिल्हा रुग्णालय केज येथे तपासणी करून त्याला न्यायालयात हजर केले. यावेळी न्यायालयाने सुदर्शन घुले याला न्यायालयीन कोठडी सुनावली.
त्याची आज दि. १४ फेब्रुवारी रोजी पोलीस कोठडी संपत असल्याने त्याची उपजिल्हा रुग्णालय केज येथे तपासणी करून त्याला न्यायालयात हजर केले. क स्तरीय न्यायालयाच्या प्रथम वर्ग न्यायाधीश एस. व्ही. पावसकर यांच्याकडून त्याला न्यायालयीन काेठडी सुनावण्यात आली आहे. या वेळी सरकारी पक्षाचे वकील ॲड. जितेंद्र शिंदे यांनी काम पाहिले.
दरम्यान न्यायालयाने त्याला न्यायालयीन कोठडीचे आदेश देताच सीआयडी आणि पोलिसांचे पथक सुदर्शन घुले याला घेवून जिल्हा कारागृहाकडे रवाना झाले आहे.