Four Gates open Manjara Dam
केज : बीड जिल्ह्यातील धनेगाव (ता. केज) येथील मांजरा प्रकल्प ९० टक्केच्या जवळपास भरला असल्याने मांजरा धरणाचे चार दरवाजे आज (दि. १६) दुपारी २ वाजता उघडले आहेत. पाण्याची आवक बघून विसर्ग कमी अथवा जास्त करण्यात येईल. नदी काठच्या जनतेने सतर्क रहावे, असे आवाहन पूर नियंत्रण कक्ष मांजरा प्रकल्प धनेगावचे अभियंत्यांनी केले आहे
दरवाजे क्रमांक १, ६, ३ व ४ हे ०.२५ मीटर उघडले असल्याची माहिती मांजरा प्रकल्पाचे अधिकाऱ्यांनी दिली. या चार दरवाज्यातून मांजरा नदीपात्रात ९८.९६ घनमीटर प्रति सेकंद म्हणजेच ३४९४.२८ क्युसेक (९८.९६ क्युमेक्स) एवढा विसर्ग सोडण्यात आला आहे. नदीकाठच्या गावांना सतर्कतेचा इशारा देण्यात आला आहे.
मागील वर्षी १६ ऑक्टोबर रोजी धरण भल्याने १६ ऑक्टोबर रोजी चार दरवाजे उघडले होते. या वर्षी तब्बल दोन महिने अगोदर मांजरा धरण भरले आहे.