धोंडराई, पुढारी वृत्त : लघुशंकेसाठी थांबलेल्या एका तरुणाला उतरतं असताना पाठीमागून भरधाव वेगाने आलेल्या क्रमांक (एमएच -२० जीसी - ५५०९) या वाहनाने कारमधील लघुशंकेसाठी जात असलेल्या एका तरुणाला जोरदार धडक दिली. या धडकेत तरुणाचा जागीच मृत्यू झाला. ही घटना सोमवार (दि.१६) दुपारी एक वाजेच्या सुमारास घडली. सचिन भागतराव पानखडे (वय-३२, रा. राजपिंपरी, ता. गेवराई, जि. बीड) असे अपघातात मृत्यू झालेल्या तरूणाचे नाव आहे.
मिळालेल्या माहितीनुसार, सचिन पानखडे हे आजारी असल्याने त्यांना सोमवारी (दि.16) छत्रपती संभाजीनगर येथे उपचारासाठी त्यांचे वडील व नातेवाईक हे घेऊन जात होते. यावेळी धुळे सोलापूर राष्ट्रीय महामार्गावरील नव्याने झालेल्या बीड बायपास उड्डाण पुलाजवळ छत्रपती संभाजीनगर कडे जाणाऱ्या रस्त्यावर लघुशंकेसाठी थांबले होते. सचिन पानखडे हे गाडीतून खाली उतरून जातं असताना पाठीमागून आलेल्या भरधाव हायवाने सचिन यांना जोरदार धडक देत जवळपास शंभर फुटांपर्यंत फरफट नेल्यानंतर, तसेच वाहनाचे चाक सचिन यांच्या अंगावरून गेल्याने त्यांचा जागीच मृत्यू झाल्याची घटना घडली. अपघात होताच हायवा चालक मात्र घटनास्थळावरून पसार झाला होता. याप्रकरणी चिकलठाणा पोलिस ठाण्यात या अपघाताची नोंद करण्यात आली असून पुढील तपास चिकलठाणा पोलिस करीत आहे.