गारगोटी : कोल्हापूर-गारगोटी मुख्य रस्त्यावर कूर-मुदाळ (ता. भुदरगड) दरम्यान ट्रकने दुचाकीस्वारास पाठीमागून धडक दिल्याने झालेल्या अपघातात मितेश रवींद्र टेंबे (वय 41, रा. राजारामपुरी 10 गल्ली, कोल्हापूर) या तरुणाचा जागीच मृत्यू झाला.
याप्रकरणी ट्रकचालक संजय राजाराम देसाई (रा. नाधवडे, ता. भुदरगड) याच्यावर भुदरगड पोलिसांत गुन्हा दाखल झाला असून पोलिसांनी त्यास ताब्यात घेतले आहे. मुदाळकडून गारगोटीकडे टाटा ट्रक (एम. एच. 11 ए. एल.7507) धावत असताना कूर कालव्यानजीक मितेश टेंबे यांच्या दुचाकी (एम. एच. 09 जी. जी. 8264) ला पाठीमागून जोराची धडक दिल्याने य टेंबे गंभीर जखमी झाल्याने त्यांचा जागीच मृत्यू झाला. याबाबत गौरव सूर्यकांत कुलकर्णी यांनी पोलिसांत फिर्याद दिली आहे. घटनास्थळी नागरिकांनी गर्दी केली होती. पोलिस उपनिरीक्षक योगेश गोरे, हेड कॉन्स्टेबल गवळी अधिक तपास करत आहेत.