मुरगूड : चिमगाव (ता. कागल) येथील शाळकरी मुलगा आयान सूरज ताशिलदार हा खेळत असताना स्लॅबवरून पडल्याने त्याचा जागीच मृत्यूू झाला. ही घटना शनिवारी दुपारी एकच्या सुमारास घडली. या घटनेची नोंद मुरगूड पोलिसांत झाली आहे .
आयान ताशिलदार हा दुपारी गल्लीतील पार्वती रतन पुरीबुवा यांच्या बांधकामावरील स्लॅबवर खेळत होता. अचानक त्याचा तोल गेल्याने तो खाली कोसळला व बेशुद्ध पडला. उपचारासाठी मुरगूड ग्रामीण रुग्णालयात नेले असता तो उपचारापूर्वीच मृत झाल्याचे डॉक्टरांनी घोषित केले.