कोल्हापूर : गणपतीपुळे येथील मंदिरासमोर पाण्यात खेळण्याचा आंनद लुटत असताना भरतीमुळे अचानक आलेल्या उंच लाटेच्या तडाख्याने बेशुध्द झालेल्या चंदूर (ता. हातकणंगले) येथील संध्या स्वप्निल कांबळे ( वय 26) यांचा मंगळवारी सकाळी शासकीय रुग्णालयात मृत्यू झाला.
स्वप्निल कांबळे, पत्नी संध्यासह कुटुंबिय गणपतीपुळे रविवारी ( दि.24) रात्री गेले होते. सोमवारी सकाळी समुद्र किनाऱ्यावर पाण्यात खेळण्याचा आनंद घेत असताना अचानक समुद्राला भरती आली. पाण्याच्या उंच लाटेच्या तडाख्याने संध्या तोंडावर जोरात कोसळल्या. नाका- तोंडातून पाणी शरीरात गेल्याने बेशुध्द झाल्या. उपचार सुरू असताना त्यांचा पहाटे मृत्यू झाला. या घटनेमुळे कुटुंबियांना धक्का बसला. संध्या यांचा पाच वर्षापुर्वी विवाह झाला होता.