जयसिंगपूर : उदगाव (ता. शिरोळ) येथील सांगली-कोल्हापूर बायपास महामार्गावर कार-दुचाकी अपघातात एक तरूण जागीच ठार झाला. तर एक गंभीर जखमी आहे. परसू भीमराव बनसोडे (वय ४५,मुळ कर्नाटक सध्या राहणार कोथळी ता.शिरोळ) असे ठार झालेल्या तरूणाचे नाव आहे. ही घटना मंगळवारी (दि.१०) रात्री साडेदहाच्या सुमारास घडली.
दरम्यान अपघातात सतीश मल्लू वायदंडे (रा.कोथळी) हे गंभीर जखमी झाले असून त्यांच्यावर सांगली येथील सिव्हिल रुग्णालयात उपचार सुरू आहेत. घटनेची माहिती मिळताच जयसिंगपूर पोलिसांनी घटनास्थळी धाव घेत पंचनामा केला. अपघातानंतर काही काळ सांगली-कोल्हापूर बायपास महामार्गावरील वाहतूक ठप्प झाली होती. याबाबत रात्री उशिरापर्यंत जयसिंगपूर पोलिसांत घटनेची नोंद करण्याचे काम सुरू होते.