म्हाकवे; पुढारी वॄतसेवा : म्हाकवे (ता. कागल) येथील सदाविजय माध्यमिक विद्यालयाचा विद्यार्थी समीर सचिन पाटील याने विभागीय स्तरावरील ग्रीको रोमन कुस्ती स्पर्धेत ६५ किलो वजन गटात प्रथम क्रमांक पटकावला. त्याची कुरूंदवाड येथे होणाऱ्या राज्य स्तरीय कुस्ती स्पर्धेसाठी निवड झाली आहे. कुस्तीत त्याने सातत्याने यश मिळविले आहे.
बानगे येथील जयभवानी तालमीत तो सराव करत आहे. त्याला उपमहाराष्ट्र केसरी रवींद्र पाटील वस्ताद तुकाराम चोपडे, संस्थेचे संस्थापक बाजीराव पाटील, अध्यक्षा वर्षा पाटील, मुख्याध्यापक सुनील भांडवले, संदीप कांबळे यांचे मार्गदर्शन लाभले.