म्हाकवे : म्हाकवे (ता : कागल) येथील विद्या बापूसो पवार या सायंकाळी साडेसात ते सातच्या दरम्यान पतीसोबत फिरायला गेल्या होत्या. दरम्यान मोटर सायकलवरून आलेल्या चोरट्याने गळ्यातील एक तोळ्याचे गंठण हिसका मारून पोबारा केला. याबाबत कागल पोलिसात नोंद करण्यात आले आहे.
येथील विद्या पवार व त्यांचे पती बापूसो पवार दोघेजण सायंकाळी साडेसहाच्या दरम्यान अनुरकडील रस्त्याकडे फिरायला गेले होते. साडेसहाच्या दरम्यान मोटरसायकल वरून आलेल्या चोरट्याने विद्या यांच्या गळ्यातील गंठणला हिसका मारून आणूरच्या दिशेने पोबारा केला.
पती-पत्नी फिरायला गेले असताना गंठण लंपास करण्याची परिसरातील ही पहिलीच घटना आहे. कागल पोलिसांनी आणूर म्हाकवे येथील सीसीटीव्ही पाहिले असता आणूर येथील सीसीटीव्ही मध्ये दोन चोरटे मोटरसायकलवरून जाताना दिसून आले आहेत.