इचलकरंजी : व्याजाच्या पैशाच्या वसुलीसाठी सराफाचे अपहरण करून त्याला जीवे मारण्याची धमकी देत ३१ लाख ५० हजार रुपयांचे सोने, चांदीचे दागिने घेऊन जाण्यासह जबरदस्तीने नोटरी करणे व धनादेश घेतल्याचा प्रकार उघडकीस आला आहे.
याप्रकरणी शिवाजीनगर पोलिसांनी माजी नगरसेवक आबा आप्पा पोवार (वय ७५), अक्षय प्रकाश पोवार (२५, दोघे रा. इंडस्ट्रियल इस्टेट परिसर) आणि कृष्णा कोले (४३, रा. जवाहरनगर) या तिघा संशयितांवर गुन्हा दाखल झाला आहे. याची फिर्याद रणजित निवृत्ती माळी (रा. जवाहरनगर) यांनी दिली आहे.