कोल्हापूर : अ‍ॅपल हॉस्पिटलमध्ये नुकतेच अत्याधुनिक वैद्यकीय उपकरणांचे उद्घाटन दै. ‘पुढारी’चे मुख्य संपादक डॉ. प्रतापसिंह जाधव यांच्या हस्ते झाले. या उपकरणामध्ये सिमेन्स गो टॉप कंपनीचे ड्युअल एनर्जी 128 स्लाईस स्पेक्ट्रल सिटी स्कॅन, इलेक्टा कंपनीचे फ्लेक्सेशन नावाचे 20 चॅनेल ब्रॅकी थेरपी मशिन आणि अ‍ॅबोटा कंपनीचे आधुनिक ओसीटी मशिन यांचा समावेश आहे. विशेषतः, ड्युअल एनर्जी 128 स्लाईस स्पेक्ट्रल सिटी हे दक्षिण-पश्चिम महाराष्ट्रातील एकमेव मशिन आहे.
यापूर्वी हॉस्पिटलने 1.5 टेस्ला एम.आर.आय. 64 स्लाईस सिटी स्कॅन, 48 चॅनेल 3 टेस्ला एम.आर. आय. डिजिटल फ्लॅट पॅनल कॅथलॅब व फिलिप्सची सिलिंग माऊंटेड अ‍ॅडव्हान्सड अझिरीयुऑन 7 उ 12 कॅथलॅब यासारखी उपकरणे कोल्हापूर व आसपासच्या जनतेसाठी उपलब्ध करून दिली आहेत. ही उपकरणे उपलब्ध करून देऊन अ‍ॅपल हॉस्पिटलने आपली तीन दशकांची परंपरा कायम राखली आहे.
ड्युअल एनर्जी 128 स्लाईस स्पेक्ट्रल सिटी स्कॅन हे शरीराच्या आतील अचूक इमेजिंग करून गंभीर, हृदयातील ब्लॉकेज, गाऊट, किडनीस्टोन्स आजारांचे निदान करण्यासाठी वापरले जाणारे अत्याधुनिक मशिन आहे.
20 चॅनेल ब्रॅकी थेरपी मशिन : कॅन्सरवर योग्य ठिकाणी अचूक रेडिएशन उपचार देणारे यंत्र आहे, तर ओसीटी : अँजिओप्लास्टीनंतर स्टेंट योग्यरित्या बसला आहे का, हे तपासणारे अत्याधुनिक मशिन आहे.